Consumer Electronics Show-ს პრეზენტაციის ფარგლებში, BMW iX M60 მოდელი გამოყენებული იქნება, როგორც ბრენდის პირველი ციფრული გამოფენა ისტორიაში. ამით ბავარიელი მწარმოებელი ხაზს უსვამს ციფრული ხელოვნების ახალ მიმართულებას, რომელიც მიმდინარე My Mode სისტემის ნაწილი იქნება და არის ერთ-ერთი გზა ხელოვნების კუთხით საკუთარი კოლექციის გასაფართოებლად.
როგორც BMW განმარტავს, Digital Art mode შეიქმნა BMW Group-ის მიერ კულტურული ჩართულობის აღსანიშნავად. ბოლო 50 წლის განმავლობაში, ეს იყო კულტურულ სამყაროში ბრენდის სოციალური პასუხისმგებლობის გამოხატულება, რომელიც სხვადასხვა პარტნიორობასა და ინიციატივას მოიცავს და ის მისი სოციალური მდგრადობის განუყოფელი ნაწილი გახდა.
ამ ციფრული ხელოვნების რეჟიმის შემქმნელი არის კაო ფეი, რომელიც მანამდე 2017 წლის BMW M6 GT3 Art Car-ს აპროექტებდა. მსოფლიო დიგიტალიზაციის პირობებში, ბრენდი იმ ხელოვანებს, რომლებიც არამატერიალურ მედიაში მუშაობენ, ახალი პლატფორმის ათვისებასა და ახალ აუდიტორიასთან მისვლას სთავაზობს.
ამ კონკრეტული პროექტით კაო ფეის სურდა, ფოკუსირება მოეხდინა გლობალიზებული სამყაროს მუდმივ ცვალებადობაზე, რომელიც ერთმანეთთან უწყვეტ კავშირშია. ამ ნაწილს იგი Quantum Garden-ს, “კვანტურ ბაღს” უწოდებს და შექმნილია ვიზუალური სივრცის წარმოსაჩენად, სადაც გალაქტიკები სავსეა წერტილებითა და სინათლის სხივებით. როდესაც სისტემაში რეჟიმი გააქტიურებულია, ეს ნაწილაკები ერთმანეთისკენ იწყებენ მოძრაობას, შემდეგ შორდებიან, სისწრაფე კი ხან იზრდება, ხან მცირდება.
BMW ამბობს, რომ ციფრული ხელოვნების რეჟიმის ეს ფუნქცია დანერგილი იქნება BMW სერიის მანქანებში 2022 წლისთვის. შერჩეულ მოდელებს ექნებათ ამ რეჟიმის მითითების შესაძლებლობა, ხოლო სხვებს შეეძლებათ მისი გადაკეთება კომპანიის დისტანციური პროგრამული უზრუნველყოფის განახლებების მეშვეობით. BMW Group-ის Digital Car-ის უფროსი ვიცე-პრეზიდენტი, კრისტოფ გროტე ამბობს, რომ ამ სიახლით, BMW Cultural Engagement სრულიად უნიკალურია და ახალ სიმაღლეებს სწვდება.
“პირველად, ჩვენ ვქმნით ციფრული ხელოვნების სისტემას, რომელიც თანამედროვე ავტომობილის მართვის განუყოფელ ნაწილად გადაიქცევა. ამისთვის ვიყენებთ ინოვაციურ ტექნოლოგიას, რათა მობილობა გახდეს ექსკლუზიური, ინდივიდუალურად მორგებული და მომხმარებლისათვის ემოციური”.
