in

უგულშემატკივრეთ საქართველოს გუნდს Bocuse d’Or Europe-ს ფინალზე!

ამ წუთებში ტალინი კულინარიული ხელოვნების კონტინენტურ ჩემპიონატს – Bocuse d’Or-ს მასპინძლობს. კონკურსი ორდღიანია, ის გუშინ დაიწყო და დღეს 18:00 სთ-ზე გამარჯვებულების გამოვლენით დასრულდება. საქართველო აღნიშნულ კონკურსში პირველად იღებს მონაწილეობას. ჩვენი ქვეყანა Bocuse d’Or-ის ოჯახის წევრი ოფიციალურად 2019 წელს გახდა, სწორედ წინა შემოდგომაზე შეირჩა გუნდი, რომელიც საქართველოს წარადგენს კონკურსზე, ესენი არიან: ერიკ სარქისიანი – შეფმზარეული, ირაკლი თოდაძე – მწვრთნელი, ლუკა ხინკილაძე – დამხმარე მზარეული და ბოკუს დორი საქართველოს პრეზიდენტი, ევროპის ჩემპიონატის ჟიურის ოფიციალური წევრი – ლევან კობიაშვილი.

კონკურსის პირველ დღეს ქართული გუნდი საკმაოდ საინტერესო კონცეფციების მქონე ნამუშევრებით წარდგა. კერძები შთაგონებული იყო ქართული არქიტექტურის ფენომენით – მესხური ოდით, ნაყოფიერების სიმბოლო, მზით და სხვა ისეთი დეტალებით, რომლებიც აღნიშნულ ნამუშევრებს ქართულ იდენტობას სძენდა.

კონკურსზე ნამუშევრები ფასდება შემდეგნაირად:

Plate:
 პრეზენტაცია/ ვიზუალი- 20 ქულა
ორიგინალურობა და კრეატიულობა- 20 ქულა
მზადების პროცესი- 20 ქულა
სოუსი- 10 ქულა
დაგემოვნება- 30 ქულა
Platter:
ორივეთეფშის პრეზენტაცია- 20 ქულა
გეოგრაფიული თავისებურება- 20 ქულა
გარნირი- 20 ქულა
სოუსი- 10 ქულა
დაგემოვნება- 30 ქულა

ასევე, ბონუს ქულები იწერება: სამზარეულოს სისუფთავე, გუნდურად მუშაობა, პორციის განსაზღვრასა და თემის ინტერპრეტაციაში.

Bocuse d’Or Europe-ის ფინალი დღეს, ჩვენი დროით 18:00 საათზე დაიწყება. ქართულ გუნდი 19 ქვეყენასთან, სფეროს წამყვან პროფესიონალებთან და ბრენდებთან ერთად შეფასდება დღეს. უნდა აღინიშნოს, რომ ძალიან დიდ როლს თამაშობს ამ კონკურსში ონლაინ მხარდაჭერა, ფაქტობრივად, ამით გუნდი 10 ქულას იგებს, ამიტომაც 18:00 საათიდან თვალი ადევნეთ ბოკუს დორ ევროპის ლაივს და უგულშემატკივრეთ საქართველოს!

რას ნიშნავს პლასტიკური ოპერაციამდელი ზუსტი ციფრული მოდელირება? – კარაპს მედლაინის სიახლეები

“ჩვენი თავების ზეიმი ყოველდღე შეგვიძლია და ამისთვის კონკრეტული თარიღი საჭირო არ არის” – ბეკი ფანცხავა