in

„საქართველოს ბანკში“ კომპანიის ანგარიშის „ონლაინ“ გახსნა კიდევ უფრო გამარტივდა

„საქართველოს ბანკი“ ბიზნესის ხელშეწყობის მიზნით, ციფრული სერვისების დახვეწას განაგრძობს. სწრაფად განვითარებად ბიზნეს გარემოში, სადაც გაციფრულება, ერთგვარი, პასუხია კომპანიების მზარდ და მუდმივად ცვალებად საჭიროებებზე, ბანკმა ბიზნესს მორიგი განახლება შესთავაზა – bonline.ge-დან და ბიზნეს მობილბანკიდან, კომპანიის „ონლაინ“ ანგარიშის გახსნა კიდევ უფრო მარტივად და კომფორტულადა შეიძლება.

bog
bog-mob

ბანკის ბიზნეს მომხმარებელი რომ გახდეთ, მხოლოდ პირადი ნომრის, ორგანიზაციის დასახელებისა და საიდენტიფიკაციო კოდის მითითებაა საჭირო. ანგარიშის გახსნის განაცხადის შევსების შემდეგ კი, აირჩევთ სასურველ პროდუქტებსა და სერვისებს, რომელიც ანგარიშის გახსნასთან ერთად, ავტომატურად გაგიაქტიურდებათ. ეს ყველაფერი ფილიალში მისვლის გარეშე, ნებისმიერ დროს და ნებისმიერი ადგილიდანაა შესაძლებელი.

გარდა ამისა, „საქართველოს ბანკის“ გადაწყვეტილებით, 6 თვის განმავლობაში, ბიზნეს პაკეტით სარგებლობა უფასოდ იქნება შესაძლებელი. ეს პროდუქტი ბიზნესის სამართავად საჭირო ისეთ პროდუქტებს აერთიანებს, როგორებიცაა: ბიზნეს ბარათი, ბიზნეს ინტერნეტბანკი, შეტყობინების სერვისი და მულტისავალუტო ანგარიში.

„მომხმარებლისთვის მეტი კომფორტის უზრუნველყოფის მიზნით, „საქართველოს ბანკი“ მუდმივად ცდილობს დახვეწოს და განავითაროს ციფრული პროდუქტები და სერვისები. ბიზნეს მობილბანკისა და ბიზნეს ინტერნეტბანკის დახმარებით, მომხმარებელს აღარ სჭირდება ფილიალში მისვლა და უმოკლეს დროში შეუძლია, გახსნას კომპანიის ანგარიში. დღეს, ციფრული პროდუქტები და სერვისები მნიშვნელოვან როლს თამაშობს ბიზნესის განვითარებაში და სამომავლო წარმატებაში. ჩვენი მიზანია, მაქსიმალურად კომფორტული ციფრული გამოცდილება შევთავაზოთ მომხმარებელს, რათა მათ მეტი დრო და შესაძლებლობა ჰქონდეთ საკუთარი საქმიანობის განვითარებისთვის“, – განაცხადა „საქართველოს ბანკის“ ციფრული საბანკო მომსახურების დეპარტამენტის დირექტორმა ლევან კობახიძემ.  

როგორ უნდა გახსნათ კომპანიის ანგარიში „ონლაინ“, იხილეთ ვიდეოში:

 

[R]

„იშოპინგე“ extra.ge-ზე, გახდი „სუპერგმირი“ და ჩაერთე ქველმოქმედებაში

საფეხბურთო კარიდან – JTI-ის ტრეიდ მარკეტერობამდე – ლადო ნადირაშვილის ამბავი