in

„საქართველოს ბანკის“ მხარდაჭერით, „DataFest Online – ყველაფერი ხელოვნური ინტელექტის შესახებ“ იწყება!

„ხუთი წარმატებული ფესტივალის შემდეგ, „საქართველოს ბანკის“ მხარდაჭერით, აღმოსავლეთ ევროპასა და ცენტრალურ აზიაში ყველაზე პრესტიჟული ყოველწლიური მონაცემთა ფესტივალი, DataFest Tbilisi სპეციალური გამოშვებით ბრუნდება. წლევანდელი ფესტივალის მთავარი თემაა – ყველაფერი ხელოვნური ინტელექტის შესახებ“. 

DataFest Online – All About AI თავს მოუყრის აღმოსავლეთ ევროპისა და ცენტრალური აზიის მონაცემებით დაინტერესებულ პროფესიონალებს – ერთმანეთისთვის შთაგონების გასაზიარებლად და მნიშვნელოვანი კავშირების დასამყარებლად.

DataFest Online 20 ივნისს დაიწყება და 22 მაისს დასრულდება. ფესტივალი უმასპინძლებს ინსპირაციულ გამოსვლებს, ვორკშოპებს და პანელურ დისკუსიებს ხელოვნური ინტელექტის გამოყენებაზე ტექნოლოგიებში, ბიზნესში და საზოგადოებრივი სარგებლისთვის.

წლევანდელი DataFest Online – All About AI -ზეც, ტრადიციისამებრ, ისეთი მაღალი დონის სპიკერები თუ ტრენერები იქნებიან წარმოდგენილები, როგორებიც არიან: Zaka-ს თანადამფუძნებელი და აღმასრულებელი დირექტორი – კრისტოფ ზოღბი; AICenter Sweden – ის დირექტორი, ჰანი ვაჰაბი; IMB-ის პროექტის ლიდერი და მონაცემთა მეცნიერი ბრაიან გილიკინი; AICenter Sweden-ის გენერალური დირექტორი, რეზა მოუსავი.

უკანასკნელი ოთხი წლის განმავლობაში, მსოფლიო დონის 150-ზე მეტმა სპიკერმა და ტრენერმა უკვე გაუზიარა საკუთარი ცოდნა და გამოცდილება DataFest Tbilisi-ის მონაწილეებს.

„მოხარულები ვართ, რომ „საქართველოს ბანკი“ უკვე რამდენიმე წელია ხელს უწყობს ასეთი მასშტაბური ღონისძიებების ორგანიზებას, საინტერესო სემინარების ჩატარებასა და უახლესი ტექნოლოგიური მიღწევების გაზიარებას. DataFest Tbilisi უნიკალურია იმით, რომ იძლევა მრავალფეროვანი გამოცდილების მიღების შესაძლებლობას კომუნიკაციის, ხელოვნური ინტელექტის, მონაცემთა გაცვლისა თუ ტექნოლოგიების მიმართულებით. „საქართველოს ბანკის“ მიზანია, ხელი შეუწყოს რეგიონში მსგავსი მასშტაბური ღონისძიებების ორგანიზებას, რადგან ასეთი ფესტივალები არის ძალიან კარგი შესაძლებლობა პირველი პირისგან, მაღალი დონის სპიკერებისგან მიიღო ინფორმაცია სფეროს სიახლეებზე, დაამყარო ახალი კავშირები და მოიძიო პარტნიორები“, – ამბობს „საქართველოს ბანკის“ გენერალური დირექტორის მოადგილე ვახტანგ ბობოხიძე

კონფერენციის შესახებ დამატებითი ინფორმაციისთვის ეწვიეთ ბმულს

 

[R]

„თამამად შეგვიძლია, რეგიონში #1 საკონდიტრო – საწარმო გავხდეთ“ – „მადარტი“

Internet Explorer-ს ერთ წელიწადში დავემშვიდობებით!