თითქმის ერთი კვირა გავიდა, თუმცა საქართველოს დამოუკიდებლობის დღესთან დაკავშირებული ემოციები ჯერ კიდევ თან სდევს ჩვენს ყოველდღიურობას… კამპანიის მთავარი მესიჯი, რომ “მომავალი არ ჩერდება, მომავალი მოდის” კი მუდმივ შთაგონებად იქცა.
წელს, საქართველოს ბანკმა 26 მაისს განსხვავებული პერსპექტივიდან შეხედა. თუ ამ დღეს ხშირად წარსულის გახსენებას ვუკავშირებთ, წლევანდელი კამპანია მომავალზე ფიქრის მცდელობა იყო. იმ მომავალზე, რომელიც ჯერ არ დამდგარა, მაგრამ უკვე მოდის.
მოდით, ერთად გადავხედოთ, როგორ შეიქმნა კამპანია „მომავალი არ ჩერდება, მომავალი მოდის“ და როგორ იქცა ეს იდეა დამოუკიდებლობის დღის მთავარ გზავნილად.
„მომავალი არ ჩერდება, მომავალი მოდის“
26 მაისს ჩვენ ხშირად ვსაუბრობთ იმაზე, რაც იყო – რა გამოვიარეთ, რა გადავიტანეთ და რა მოვიპოვეთ.
თუმცა წელს საქართველოს ბანკის გუნდმა სააგენტო Supermarket-თან ერთად სხვა კითხვაც დასვა – რა მოდის შემდეგ?
სწორედ ამ ფიქრიდან დაიბადა კამპანიის მთავარი იდეა: თავისუფლება არ არის მხოლოდ წარსულში მოპოვებული მონაპოვარი. ის მომავალია, რომელიც ყოველდღე თავიდან იბადება ადამიანებში, მათ არჩევანში, ოცნებებში, ცნობისმოყვარეობასა და გამბედაობაში.
ასე შეიქმნა გზავნილი, რომელმაც კამპანია გააერთიანა:
„მომავალი არ ჩერდება, მომავალი მოდის.“
„ეს რა თაობა მოდის!“
წელს დამოუკიდებლობის დღის კამპანია ყველაზე თავისუფალ ადამიანებს მიეძღვნა – მომავალ თაობას.
თაობას, რომელმაც ჯერ კიდევ არ იცის სიტყვა „შეუძლებელი“, რომლისთვისაც ყველა საზღვარი დროებითია და რომლის ცნობისმოყვარეობაც ხშირად შიშზე ძლიერია.
ვიდეოს მთავარი გმირებიც სწორედ ისინი გახდნენ.
ახალი თაობის წარმომადგენლები, რომლებიც კედლებს აძვრებიან, დარბიან, ეცემიან, დგებიან, ახალ გზებს პოულობენ და სამყაროს მუდმივად ხელახლა აღმოაჩენენ.
ისინი არ ჩერდებიან.
ისინი მოდიან.
და სწორედ ამიტომ იქცა მათი ენერგია კამპანიის მთავარ სიმბოლოდ.
როდესაც ფორმა თავად ჰყვება ამბავს
წელს საქართველოს ბანკის დამოუკიდებლობის დღის ვიდეო მხოლოდ მომავლის შესახებ არ საუბრობდა – ის თავადაც მომავლის ენერგიით იყო შექმნილი.
ვიდეოს ვიზუალური ენა, რიტმი და დინამიკა პერსონაჟებთან ერთად იცვლებოდა.
კადრები ერთმანეთს სწრაფად ენაცვლებოდა, ფორმატი მუდმივად მოძრაობდა, ბავშვები კი თითქოს კადრის ფარგლებსაც სცდებოდნენ.
შემოქმედებითი გუნდის მიზანი იყო, მომავალი თაობა უბრალოდ ვიდეოში არ გამოჩენილიყო – მათ თავად უნდა შეეცვალათ ვიდეოს ფორმა.
შედეგად შეიქმნა ნამუშევარი, რომელიც მუდმივი მოძრაობის, ცვლილებისა და განვითარების განცდას ტოვებს.
ორი რეჟისორი, ერთი ხედვა
წლევანდელი კამპანიის ერთ-ერთი გამორჩეული დეტალი ორი რეჟისორის თანამშრომლობა გახდა.
ბორჩხასა და ანანოს განსხვავებული ხედვები, ესთეტიკა და გამოცდილება საბოლოოდ ერთ საერთო ენად ჩამოყალიბდა.
იდეები იცვლებოდა, ერთმანეთს ედებოდა, ვითარდებოდა და საბოლოოდ შეიქმნა ერთი მთლიანი ხასიათი, რომელმაც ვიდეოს განსაკუთრებული ემოცია და დინამიკა შესძინა.
„სხვა საქართველო აქ არის“
ვიდეოში განსაკუთრებული ადგილი ანა კალანდაძის ლექსს „საქართველოო ლამაზო“ უჭირავს.
ლექსის ცნობილი კითხვა – „სხვა საქართველო სად არი?“ – კამპანიაში ახალ მნიშვნელობას იძენს.
საქართველოს ბანკი მას ასე პასუხობს:
„საქართველოო ლამაზო,
სხვა საქართველო აქ არის.“
აქ – ახალ თაობაში.
იმ ბავშვებში, რომლებიც ჯერ კიდევ სწავლობენ სიარულს, ოცნებას, აღმოჩენას და სამყაროს შეცვლას.
იმ ენერგიაში, რომელიც თავისუფლებას აგრძელებს და მომავალს ქმნის.
მომავალი მოდის
საქართველოს ბანკის ყველა საიმიჯო კამპანია ერთი მნიშვნელოვანი იდეის გარშემო ერთიანდება – არ გაჩერდე.
წლევანდელი დამოუკიდებლობის დღის კამპანია კი ამ სათქმელის ბუნებრივი გაგრძელება აღმოჩნდა.
რადგან, როგორც არ უნდა შეიცვალოს გარემო, როგორი რთულიც არ უნდა იყოს აწმყო, არსებობს ერთი რამ, რასაც ვერავინ შეაჩერებს.
მომავალს.
კამპანიის მთავარი გზავნილი მხოლოდ ვიდეორგოლით არ დასრულებულა. 26 მაისს საქართველოს ბანკმა „მომავალი არ ჩერდება, მომავალი მოდის“ რეალურ ქმედებად აქცია და მსოფლიოს სხვადასხვა ქვეყანაში მცხოვრებ ემიგრანტებს მომავალი თაობის ხმებით მიმართა. კამპანიის ფარგლებში, ბანკი 30-მდე ქვეყანაში 100 000-მდე მომხმარებელს დაუკავშირდა და მადლობა გადაუხადა იმ ძალისხმევისთვის, რომელიც მათ საკუთარი ოჯახების, მომავალი თაობისა და ქვეყნის მომავლის შენებაში შეაქვთ.
ეს აქტივობა კამპანიის მთავარი იდეის ბუნებრივი გაგრძელება იყო. თუ ვიდეორგოლის მთავარი გმირები ის ბავშვები იყვნენ, რომლებიც მომავალს თავიანთი ცნობისმოყვარეობით, გამბედაობითა და ენერგიით ქმნიან, ემიგრანტები ის ადამიანები არიან, რომლებიც ამ მომავლის საფუძველს ყოველდღიური შრომითა და თავდადებით ამყარებენ. სწორედ ამიტომ, საქართველოს ბანკმა დამოუკიდებლობის დღეს მათ განსაკუთრებული მადლობა გადაუხადა.
View this post on Instagram
და სწორედ ამას გვახსენებდა საქართველოს ბანკის წლევანდელი კამპანია.
მომავალი არ ჩერდება.
მომავალი მოდის.
