in

„საქართველოს ბანკის“ მხარდაჭერით, მასშტაბური ტექნოლოგიური ღონისძიება Startup Grind „ონლაინ“ გაიმართება

„საქართველოს ბანკის“ მხარადჭერით, მსოფლიოში ერთ-ერთი ყველაზე მასშტაბური ტექნოლოგიური ღონისძიება Startup Grind „ონლაინ“ გაიმართება.

Startup Grind მსოფლიოში ყველაზე დიდი, 3,5 მილიონი წევრისგან შემდგარი კომუნაა, რომელიც სტარტაპებსა და ინოვატორებს, მთელი მსოფლიოს მასშტაბით, აერთიანებს.  წლის განმავლობაში Startup Grind-ის ორგანიზებით რამდენიმე საერთაშორისო ღონისძიება იმართება, მათ შორის უმსხვილესი „სილიკონ ველიზე“, ლონდონსა და თბილისში.

„Europe-Asia Connect წელს 100-ზე მეტ საერთაშორისო სპიკერს, 5000-ზე მეტ დამსწრეს და სტარტაპს 35-ზე მეტი ქვეყნიდან უმასპინძლებს. აღსანიშნავია, რომ სპიკერების უმრავლესობა ცნობილი კომპანიების უშუალო დამფუძნებლები არიან, რომლებმაც ბიზნესი ნულიდან დაიწყეს და დღეისთვის ღირებული კომპანიები შექმნეს. მაგალითისთვის, ერთ-ერთი სპიკერია მარკეტინგის გურუ, ანტრეპრენერი, ტექ-ევანგელისტი და არაერთი წიგნის ავტორი Guy Kawasaki. ასევე სპიკერებს შორის არიან: Treasure Data-ს დამფუძნებელი ბილ ტაი და კომპანია Oracle-ის ვიცე-პრეზიდენტი  ლუკ კოვალსკი“.

ღონისძიების ერთ-ერთი მთავარი გამომსვლელი, „სილიკონ ველის“ ანტრეპრენერი, სტივ ბლანკი იქნება. სტივ ბლანკის მრავალწლიანი გამოცდილება არაერთ ინოვაციურ კომპანიას და წარმატებულ პროექტს უკავშირდება. მას თანამედროვე ანტრეპრენერობის მამასაც უწოდებენ და განიხილავენ, როგორ ერთ-ერთ საუკეთესო მრჩეველს სტარტაპ ინდუსტრიაში.

„Europe-Asia Connect არის უნიკალური შანსი სტარტაპებისთვის, რათა მათ მონაწილეობა მიიღონ მსოფლიოს წამყვანი ტექნოლოგიური კომპანიების დამფუძნებლების სემინარებში; გაიცნონ სხვა ქვეყნების სტარტაპები, გაცვალონ გამოცდილება და დაგეგმონ სამომავლო თანამშრომლობა. ასევე, მიიღონ ყველაზე დიდ სტარტაპ შეჯიბრში მონაწილეობა და გამარჯვების შემთხვევაში – რჩევები „სილიკონ ველის“ მენტორებისგან“.

პირველი მსგავსი ღონისძიება თბილისში – Europe-Asia Connect – 2019 წლის ნოემბერში ჩატარდა, სადაც სპიკერები 15 ქვეყნიდან იყვნენ მოწვეული. იქიდან გამომდინარე, რომ წლევანდელი ღონისძიება 100%-ით „ონლაინ“ გაიმართება, ეს მასშტაბის კიდევ უფრო მეტად გაფართოების შესაძლებლობას იძლევა.

დამატებითი ინფორმაციის მისაღებად ეწვიეთ Startup Grind-ის ვებგვერდს.

„საქართველოს ბანკის“ სტუდენტური ბარათით გადახდის შემთხვევაში, სტუდენტებისთვის მოქმედებს სპეციალური ფასდაკლება. ინფორმაცია ხელმისაწვდომია სპეციალურ ბმულზე.

ღონისძიება ტარდება საქართველოს ტექნოლოგიებისა და ინოვაციების სააგენტოსთან (GITA) თანამშრომლობით და მას არაერთი ქართული და უცხოური პარტნიორი კომპანია ჰყავს.

 

[R]

Google-ის AI ექსპერიმენტი – Bad Guy-ის უსასრულო ქავერები

 ფასდაკლება ავტოდაზღვევაზე „ალდაგისგან“ 100-ქულიან მძღოლებს