საქართველოს ბანკმა ორგანიზაცია „სისხლის უანგარო დონორებთან“ და ციფრული შემოქმედებითი სარეკლამო სააგენტო „ვინდფორსთან“ ერთად ახალი კამპანია წამოიწყო. ეს კი იმას ნიშნავს, რომ ახალი პლატფორმის შექმნით ბანკი პარტნიორებთან ერთად სისხლის პოტენციურ დონორებს საშუალებას აძლევს, დააფიქსირონ მზაობა სხვისი დახმარებისთვის და გაიღონ სისხლი, როცა ეს სასიცოცხლოდ არის საჭირო.
თავიდან ინიციატივა 8400 თანამშრომელს, მათ მეგობრებსა და ოჯახის წევრებს ერთმანეთისა და სხვების დასახმარებლად აერთიანებდა. თუმცა, პროექტმა უფრო მასშტაბური სახე მიიღო და მასში ჩართვა უკვე ნებისმიერ მსრუველს შეუძლია.
რა არის საჭირო რომ გახდეთ დონორი?
უნდა დარეგისტრირდეთ პლატფორმაზე https://blooddonors.bog.ge/, რითაც დააფიქსირებთ დონაციის სურვილს. სისხლის ჯგუფისა და ლოკაციის გათვალისწინებით კი, საჭიროების შემთხვევაში, ორგანიზაცია „სისხლის უანგარო დონორები“ თავად დაგიკავშირდებათ.
„ყველას მოვუწოდებთ, დარეგისტრირდით სისხლის უანგარო დონორების პლატფორმაზე, სადაც თითოეულ ჩვენგანს შეუძლია, სხვების დახმარებაზე მზაობა დააფიქსიროს. ჩვენს ერთობას უამრავი სიცოცხლის გადარჩენა შეუძლია“, – ამბობენ საქართველოს ბანკში.
8400 თანამშრომელი, მეგობრები, ოჯახის წევრები ერთისთვის.
საქართველოს ბანკი – საქართველოსთვის.
მეტი ინფორმაციისთვის შეგიძლიათ ნახოთ ვიდეო
[პარტნიორის კონტენტი]
