2
Jul
2019

ბორჯომის ტყის აღდგენის პროექტი გრძელდება – #ბორჯომიბუნებისგულშემატკივარის ფარგლებში, 2500 ნერგი დაირგო

2 Jul 2019

შაბათი იყო, საღამო… ერთი შეხედვით, არაფერი ხდებოდა, განსაკუთრებით „მძიმე პარასკევის“ შემდეგ და მოახლოებული, კიდევ დარჩენილი უქმე დღის ხიბლის ფონზე. თუმცა, პოზიტიური განწყობა თავს არ მანებებდა, კიდევ ერთხელ დავრწმუნდი, რომ პოზიტივი დეტალებშია: ბორჯომის ტყის აღდგენის პროექტი გრძელდება – #ბორჯომიბუნებისგულშემატკივარის ფარგლებში პლატოს ტერიტორიაზე კავკასიური ფიჭვის 2500 ნერგი დაირგო და ეს მნიშვნელოვანია.

 

და ამაში გარკვეული წვლილი ჩვენც მიგვიძღვოდა. განწყობა მართლაც მოულოდნელად გამიორმაგდა და მომენტალურად გადამდები აღმოჩნდა.

 

ამ დღეს აქცია ბორჯომის ტყის აღდგენის პროექტის ფარგლებში განხორციელდა, რომლის მიზანს ბორჯომის პლატოს ტერიტორიაზე ტყის საფარის აღდგენა-განახლება წარმოადგენს. პროექტში კომპანია უკვე მერვე წელია, ჩართულია და დღემდე 3 ჰექტარ მიწის ფართობზე 11200 ნერგია დარგული. IDS ბორჯომი საქართველოს მიზანია, აღადგინოს ტყის საფარი ბორჯომში და ასევე, აქტიურად ჩართოს საზოგადოების წევრები ტყის აღდგენის პროცესში.

„ტყის საფარის აღდგენა და რაც კიდევ უფრო მნიშვნელოვანია, შენარჩუნება თითოეული ჩვენგანის მოვალეობაა. ჩვენი პროექტიც, რომელიც უკვე ბევრი წელია არსებობს, სწორედ ამ მიზანს ემსახურება, დავრგოთ ახალი ნერგები და 5 წლის განმავლობაში განვახორციელოთ მათი მოვლა-პატრონობა. ასევე, მნიშვნელოვანია ამ თემაზე ბევრი საუბარი, რათა საზოგადოების ფართო მასები ჩავრთოთ ამ აქტივობებში და ისინიც ბუნების გულშემატკივრებად გადავაქციოთ,“ – კომპანია IDS ბორჯომი საქართველო უკვე რამდენიმე წელია, ბორჯომის ტყის აღდგენაზე ზრუნავს და პარალულურად გარემოსდაცვით საკითხებზე მომუშავე სხვადასხვა პროფესიის ადამიანებს, მათ, ვისაც ბუნების მნიშვნელობა კარგად იციან, „ბორჯომის გმირის“ ჯილდოს გადასცემს.

ეს არის მიზანი – ერთად აღვადგინოთ ბორჯომის ტყე, სადაც მთავარი მონაწილეობა და მიზნისკენ ერთად სწრაფვაა!

[პარტნიორის კონტენტი]

განხილვა