საკმაოდ ბევრი ადამიანი თვლის, რომ ინტერნეტის სისტემის უახლესი ცვლილება წარმატებულად მიმდინარეობს. მათი თქმით, Metaverse თითქმის აქ არის. როდესაც კომპანიები ფულს დებენ სივრცეში, მიზანშეწონილია იმის გაანალიზება შეუძლია თუ არა რეალობას იმედების გამართლება. Meta-ს შემთხვევაში ის გვთავაზობს იმას, რაც ხალხს ნამდვილად სურს უსაფრთხოდ. ამ დროს ბევრს კომპანიას აინტერესებს, რა არის Meta და უნდა იყვნენ თუ არა ისინი მისი ნაწილი. იმ ბრენდებისთვის, რომლებიც ფიქრობენ იმაზე, როგორ უნდა გაიარონ ამ ახალ საზღვრებზე, სწორ დროს დაწყების ცოდნაც, შეიძლება შემაძრწუნებელი იყოს.
Metaverse-ის ძირითადი იდეა არ არის რთული. მარტივად რომ ვთქვათ, მეტავერსი მოიცავს ნებისმიერ ციფრულ გამოცდილებას ინტერნეტში, რომელიც არის მუდმივი, სამგანზომილებიანი (3D) და ვირტუალური. შესაბამისად, ის არ ხდება ფიზიკურ სამყაროში. Metaverse-ის გამოცდილება თამაშის, მუშაობის, მუდმივი კავშირის და ყიდვის შესაძლებლობას (თუნდაც მხოლოდ იმისთვის, რომ პროცესი უფრო სახალისო გავხადოთ. ჩვენ მიერ შეძენილი ნივთები შეიძლება იყოს რეალური ან ვირტუალური) გვაძლევს. არ იქნება მართებული, Metaverse-ის როგორც ცალკეული, დაკავშირებული ან თუნდაც ურთიერთმოქმედი სამყაროს სახით წარმოდგენა, რადგანაც ეს ასე არ არის. თითოეული სუბიექტი, რომელიც ქმნის ვირტუალურ სამყაროს, ამას აკეთებს საკუთარი წვდომით, მონეტიზაციის უფლებებითა და შემოქმედებითი გამოხატვის ფორმატით, ამიტომ ბიზნესი და ტექნიკური მახასიათებლები განსხვავდება. Metaverse სწორედ ამ სუბიექტების სამყაროებსა და მათ გამოცდილებებზეა აგებული.
ბიზნესები უკვე აყალიბებენ გარემოს, სადაც წამყვანია გასართობი და სათამაშო კომპანიები, ძირითადი კონსოლისა და კომპიუტერის სათამაშო სამყაროები, როგორიცაა Fortnite, Epic Games. მათი დახმარებით, ვირტუალურ პარამეტრებში ადამიანებთან თამაში და ურთიერთობაა შესაძლებელი. შედარებით ახალი სათამაშო პლატფორმები, მაგალითად Roblox, საშუალებას აძლევს ადამიანებს შექმნან საკუთარი სამყაროები, რომლებიც ხშირად მონეტიზირებულია მომხმარებელთა მიერ. Decentraland არის 3D ვირტუალური სამყარო, რომელიც ეკუთვნის მის მომხმარებლებს, რაც მათ საშუალებას აძლევს შექმნან ვირტუალური სტრუქტურები და შემდეგ მისცენ სხვებს მათი მონახულების უფლება. ეს ყველაფერი Ethereum blockchain ტექნოლოგიითაა უზრუნველყოფილი. სხვა კომპანიები, როგორიცაა MetaVERse და Unity, ქმნიან ძრავებს ბრენდებისა და სათამაშო სტუდიების გასაძლიერებლად, AR და VR კონტენტის შექმნის დაჩქარების მიზნით.
Metaverse-ის იმერსიული გარემო არ არის მხოლოდ მომხმარებელთა შესაძლებლობა. უამრავი ბიზნეს-აპლიკაცია არსებობს, მომავალი ქირურგების მომზადებით დაწყებული, საცალო ვაჭრობის თანამშრომლებით დამთავრებული. მაგალითისთვის, ტექნოლოგიური კომპანია Nvidia-ს ხელმძღვანელობა თვლის, რომ ინვესტიცია Metaverse სიმულაციებში, როგორიცაა წარმოება და ლოჯისტიკა, ნარჩენებს შეამცირებს და უკეთეს ბიზნეს-გადაწყვეტილებებს დააჩქარებს. ჰიბრიდულ ან დისტანციურ სამუშაო გარემოში, მომხმარებელთან და თანამშრომელთან კავშირის ეს მეთოდი სულ უფრო პოპულარული გახდება.
განზე მდგომი კომპანიებისთვის, მნიშვნელოვანია, რომ თითოეულმა ბრენდმა იპოვოს თავისი ადგილი და რისკი-ანაზღაურების განტოლება დააბალანსოს. მაგალითად, არსებობს უამრავი ბრენდი, რომელიც სარგებლობს Metaverse-ის სათამაშო ნაწილით და ბრენდირებული გამოცდილებით, რაც ვირტუალური სპონსორობაა. მაგალითად, Nike-მა შეიძინა კომპანია RTFKT, რომელიც ქმნის ვირტუალურ სპორტულ ფეხსაცმელს Metaverse-თვის.
Metaverse-ის კომერციული აპლიკაციები კიდევ უფრო ვითარდება, პროდუქტებისა და სერვისების სოციალური გამოცდილებით შეძენის შედეგად. სოციალური კომერცია, დროთა განმავლობაში, აშშ-ს ელექტრონული კომერციის უფრო დიდ ნაწილს იკავებს და მაგალითად, 2021 წელს, 36 მლრდ აშშ დოლარი შეადგინა.
სოციალური მედიის კაპიტალიზაცია მიმდინარეობს იქ, სადაც ადამიანები უკავშირდებიან და ყიდულობენ არა მხოლოდ ტრადიციულ ინტერნეტ კონტექსტში, არამედ 3D, იმერსიულ Metaverse-ში. ვირტუალურ შოურუმებს, მოდების ჩვენებებსა და გამოსაცვლელ ოთახებს შესაძლებლობა აქვთ ფარული ექსპერიმენტებიდან, მასობრივ ადაპტაციაზე გადავიდნენ. ხალხი არ ყიდის მხოლოდ ფიზიკურ საქონელს. მაგალითად, Sotheby’s-მა წარადგინა საკუთარი Metaverse გალერეა ვირტუალური ხელოვნებისთვის, რომელიც განთავსებულია Decentraland-ში.
ბრენდები ყოველთვის უნდა იყვნენ ცდისა და სწავლის რეჟიმში. ციფრული გარემო ინტელექტუალურ ცნობისმოყვარეობას მოითხოვს. Metaverse არის პოტენციური სახე იმისა, თუ როგორ იყენებენ ადამიანები ინტერნეტს დასაკავშირებლად – კომუნიკაციისა და ტრანზაქციისთვის ერთმანეთის გვერდით ჯდომა აღარ გვჭირდება.
აი, რისი გაკეთება შეუძლიათ ბრენდებს ახლა:
მიზნის არჩევა
იფიქრეთ, რამდენ დროს ხარჯავს თქვენი მომხმარებელი Metaverse-ში, ამის მიხედვით გათვლით მოქმედების სიჩქარეს. მაგალითად, ახალგაზრდა, დემოგრაფიაზე ფოკუსირებულ ბრენდებს, ალბათ, არ აქვთ Metaverse-ზე დიდხანს გაჩერების ფუფუნება. ვინ არის თქვენი სამიზნე სეგმენტი, რა დემოგრაფიული მახასიათებლები და ქცევები აქვს, თქვენს ამჟამინდელ და პოტენციურ მომხმარებელს? ამ კითხვაზე პასუხი გიკარნახებთ, რამდენად სწრაფად უნდა გადახვიდეთ Metaverse-ში.
ყურადღების კონკურენციაზე გამახვილება
იმსჯელეთ იმ შემთხვევებზე, თუ რას აკეთებენ კონკურენტი კომპანიები Metaverse-ში. სივრცის დიდი ნაწილი შეიძლება იყოს უცხო. მით უმეტეს, როცა ვიყენებთ ერთი შეხედვით გაუშიფრავ ცნებებს, როგორიცაა NFT ან blockchain.
აპლიკაციების ძიება
ნახეთ, გაძლევთ თუ არა Metaverse შესაძლებლობას, არა მხოლოდ ცადოთ ახალი რამ, არამედ დააჩქაროთ ისეთი გრძელვადიანი მიზნების მიღწევა, როგორიცაა მდგრადობა. მარკეტინგის ბევრმა პროფესიონალმა უკვე აიღო, ან მალე მიიღებს, საჯარო ვალდებულება ეკოპორექტებთან დაკავშირებით. ამის კონტროლი შეგიძლიათ Metaverse-ში, რაც საშუალებას მოგცემთ გამოცადოთ უფრო მდგრადი მიდგომები თქვენი კლიენტების მომსახურებისას.
დაგეგმეთ სწორი წარდგენა
სთხოვეთ თქვენს სააგენტოს გუნდს დაიწყოს კონცეფციის შემუშავება იმის შესახებ, თუ როგორ უნდა გამოჩნდეს თქვენი ბრენდი Metaverse-ში და როდის შეიძლება ჰქონდეს ამას აზრი. დამოუკიდებელი სააგენტოები გულმოდგინედ ადევნებენ თვალს მასმედიის ქცევას და განვითარებად ტენდენციებს, ამიტომ შესანიშნავი შესაძლებლობაა ჰკითხოთ, როგორ ხედავენ თავიანთი კლიენტების პორტფოლიოს განვითარებას. როგორ შეიძლება მოგცენ თქვენი ბრენდის Metaverse-ის საუკეთესოდ გამოვლენის საშუალება?
ბალანსის შენარჩუნება
თუ თქვენ უკვე ხართ Metaverse-ში, მოემზადეთ იმისთვის, რომ ყველა ახალი სივრცე შეიძლება რისკსა და ჯილდოს წარმოადგენდეს. იცოდეთ, რომ ეს შეიძლება იყოს საოცრად არაპროგნოზირებადი პროცესი, სადაც არ არსებობს სტანდარტები. აქ კარგი ამბავი ის არის, რომ პანდემიამ უფრო მოქნილ არსებებად გვაქცია, ვიდრე ოდესმე. ასე რომ, თუ ახლა შესაფერისი დროა, მნიშვნელოვანია განიხილოს, როგორ იყოთ წარმოდგენილი Metaverse-ში.
რაც მთავარია, ბრენდის მარკეტინგის ან ლიდერის როლის მქონე ადამიანებმა უნდა დაიწყონ ფიქრი, თუ როგორ გამოავლინონ თავიანთი კრეატიულობა და ამბის თხრობა. თუ შემოქმედებითი პალიტრა აფართოებს ზომებს Metaverse-ში, ჩვენ მომხმარებელთა მოგზაურობის გამოცდილება უნდა შევქმნათ. შეძენიდან ჩართულობამდე, ტრანზაქციამდე, მომხმარებელთა მხარდაჭერამდე, რომელსაც აქვს პოტენციალი იყოს როგორც სანახაობრივი, ასევე უფრო ერთიანი, ვიდრე ადრე… ერთ დღესაც, უპრობლემოდ გადავალთ რეალობიდან ვირტუალურ სამყაროში. ეს შემდეგი საზღვარი იქნება.
წყარო: HBR
