ბრენდის სტრატეგი ნიკ ლიდელი გვეუბნება, რომ მსოფლიოში ყველაზე წარმატებულ ბრენდებს ერთი რამ აერთიანებთ, ყველა გასცდა თავდაპირველ კატეგორიას — Apple თავიდან კომპიუტერების კომპანია იყო, შემდეგ კი ტელეფონები, მომსახურებები, სახლის ნივთები და აქსესუარები დაამატა. Lego-მ კი თავიდან ყველაფერი სახელოსნოდან დაიწყო… Wrigley’s ჯერ საპონს ყიდდა, შემდეგ კი საღეჭ რეზინაზე გადაინაცვლა…
ამგვარად, მსოფლიოში არსებული დიდი ბრენდები ერთ პროდუქტსა თუ კატეგორიაზე მიჯაჭვულნი არ არიან. ისინი ახალ სივრცეებს საკმაოდ წარმატებით ითვისებენ. თუმცა ამას იღბალს ნუ მიაწერთ, ხშირად ფრთხილი დაგეგმარებისა და განხორციელების შედეგია, რაც იმ ცოდნამდე დადის, თუ სად და როგორ გასცდნენ თავიანთ კატეგორიას. ეს კი იმაზე მეტია, ვიდრე კომერციულად მიმზიდველი ბაზრისა თუ კატეგორიის დადგენა.
წარმატებული ბრენდები იმის განხილვით იწყებენ, თუ რისი გაკეთება შეუძლიათ საუკეთესოდ. პასუხობენ კითხვას: რამდენად ერგება თითოეული შესაძლებლობა თავიანთ მისიასა და მიზანს, კულტურასა და შესაძლებლობებს? ეს კი ყველაზე წარმატებული მაშინ ხდება, როცა გრძელვადიან ხედვას ემთხვევა და თქვენსავე ძლიერი მხარეების გამოყენებას მოიცავს.
თუმცა იმის ცოდნა, თუ როგორ დავიმკვიდროთ თავი ახალ კატეგორიებში, თანაბრად მნიშვნელოვანია. საიდუმლო საერთო აზროვნების ქონაში იმალება, რაც ნებისმიერი საქმის კეთებისას ერთსა და იმავე პრინციპებზე დაყრდნობას გულისხმობს. სწორედ ასე გავიდა Braun ჯერ მიქსერების, შემდეგ კი კალკულატორების ბაზრებზე — ნებისმიერი პროდუქტი, რომელიც ბრაუნის სახელს ატარებდა, ერთსა და იმავე იდეასა თუ პრინციპებს იზიარებდა, მიუხედავად კატეგორიისა და კონკურენციისა. ეს მიდგომა კი ბრენდებს თავდაპირველი პროდუქტისგან სრულიად განსხვავებულ კატეგორიაში გადასვლაში ეხმარება. საუკეთესო ბრენდებმა ისიც იციან, თუ როგორ გააკეთონ ეს თავიანთ უნიკალურ სტილში…
