in

რატომ არის მეტავერსში ბრენდის ავთენტურობა ჯერ კიდევ მნიშვნელოვანი?

მეტავერსში თქვენი ბრენდის დროშის დადგმას აპირებთ? თუმცა გაინტერესებთ, რატომ უნდა მიანიჭოთ პრიორიტეტი ბრენდის იდენტობას, ღირებულებებსა და მიზანს? მოდით, განვიხილოთ:

მეტავერსში შესვლის სტრატეგიას უკვე ბევრი კომპანია ამუშავებს, რისი ღირებულებაც 2030 წლისთვის, სავარაუდოდ, 1.5 ტრილიონ დოლარს მიაღწევს. ამ მზარდმა ვირტუალურმა სივრცემ მომხმარებლებთან ურთიერთობისა და უახლეს ტექნოლოგიებთან წვდომის უპრეცედენტო შანსიც შეიძლება მოგცეთ.

თუმცა მეტავერსიის ირგვლივ მრავალი საკითხი ჯერ კიდევ გაურკვეველია, მათ შორის მისი განვითარების გზა… აქ კი ბრენდებისთვის მაინც მნიშვნელოვანი რჩება იმის გააზრება, თუ როგორ გადავა ვირტუალურ ლანდშაფტზე მათი IRL იდენტობები და ღირებულებები.

დიდი ბრენდები განაცხადს მეტავერსში აკეთებენ

მეტავერსში უკვე რამდენიმე ცნობილმა ბრენდმაც დაიმკვიდრა ფეხი, ბევრიც კი ამ გზას ახლა ადგას, მოხიბლულები არიან web3-ის სწრაფ და დინამიკურ სამყაროში ახალი აუდიტორიის მოზიდვის, ბრენდის ლოიალობის გაძლიერებითა და რელევანტურად დარჩენით.

რამდენიმე მაგალითი:

  • Nike-ის ვირტუალურ Nikeland-ში ვიზიტორებს შეუძლიათ, დაათვალიერონ და შეიძინონ ფეხსაცმელი, ტანსაცმელი და აქსესუარები. მსგავსად, 2021 წლის ნოემბერში გაშვების შემდეგ Nikeland-მა 7 მილიონზე მეტი ადამიანი მიიზიდა, თანაც, მზარდი სტატისტიკით.
  • Coca-Cola მეტავერსში NFT-ებზე განსაკუთრებული აქცენტის გაკეთებით შევიდა. თავისი პირველი NFT მოპარული ყუთის სახითაც კი შექმნა, რაც ბრენდირებულ საკოლექციო ნივთებს შეიცავდა და, თავის მხრივ, ნოსტალგიების გაღვიძებას ისახავდა მიზნად. ეს ყუთი NFT ბაზრის OpenSea-ს მეშვეობით 72 საათში 575 000 დოლარზე მეტადაც კი გაყიდეს.
  • გასულ წელს, Gucci-მ ვირტუალურ აქსესუარებზე მზარდი მოთხოვნა აჩვენა, როცა ვირტუალური ჩანთა 4115 დოლარად გაყიდა. ეს კი ჩანთის IRL ანალოგის ფასზე დაახლოებით 500 დოლარით მეტია.

ამ ბრენდების წარმატება კი კარგი გაკვეთილია იმ კომპანიებისთვის, რომლებიც ახლა მეტავერსში შესვლას ცდილობენ. 

მაგალითად:

  • Nike-ის მსგავსი ექსკლუზიური ვირტუალური სავაჭრო გამოცდილებისა და გარემოს შექმნა ეფექტური სტრატეგია იქნება ნებისმიერი ბრენდისთვის, რომლებიც ფიზიკურ საცალო ვაჭრობაში ძლიერად არიან წარმოდგენილნი. 
  • Coca-Cola-სა და Gucci-ს მსგავსი NFT-ების შექმნა კი ბრენდებს თავიანთ მომხმარებლებთან ლოიალობისა და ურთიერთობის გაძლიერებაში დაეხმარება. 

ფაქტია, რომ web3-ის სამყაროში მათი წარმატებას არსებული ბრენდის იდენტობის შენარჩუნებისა და ახალ ვირტუალურ ბაზართან ადაპტაციით მიაღწიეს. 

Web3-ში ბრენდის ავთენტურობის შენარჩუნება

როგორ უნდა შეინარჩუნოს ბრენდებმა მეტავერსში მათი ძირითადი იდენტობა? მოქნილობა და სწავლის შესაძლებლობა ამ კითხვის პასუხს წარმოადგენს. ბრენდებმა უნდა გააცნობიერონ, რომ Web3-ის წესები, Web2-ისგან განსხვავებულია. მეტავერსი დეცენტრალიზებულია, რაც იმას ნიშნავს, რომ მომხმარებელთა ჩართვისთვის ახალი წესები უნდა განავითაროთ. თანაც, მარკეტინგის წესებიც იცვლება და ბრენდებიც მათთან ერთად შესაცვლელად უნდა იყოს მზად. მათ Web3-ის ენაზე ლაპარაკი უნდა ისწავლონ, თუმცა ეს საკუთარი ბრენდის იდენტობისა და ხმისგან შორს არ უნდა იყოს. 

სიფრთხილეს კი აქ გადამწყვეტი მნიშვნელობა აქვს. თუ ბრენდები ძალიან სწრაფად იმოქმედებს, იდენტობის შენარჩუნების სტრატეგიის შემუშავების გარეშე, აუდიტორიის ნდობის დაკარგვის რისკის ქვეშ აღმოჩნდება. ხოლო ბრენდები, რომლებიც თავიანთი ძირითადი ღირებულებების ერთგული რჩებიან და კარგად ესმით Web3-ში ჩართვის საკუთარი მიზეზები, ვირტუალურ, დეცენტრალიზებულ სფეროში თავიანთ უნიკალურ გზასაც იპოვიან. 

მართალია, არავინ იცის, ზუსტად როგორ ჩამოყალიბდება web3 გრძელვადიან პერსპექტივაში, მაგრამ როგორც Nike-მა, Coca-Cola-მ და Gucci-მ აჩვენა, ის უზარმაზარ კომერციულ პოტენციალს ფლობს. თუმცა მხოლოდ მაშინ, როცა ამას ფრთხილად და აშკარა განზრახვით აკეთებენ, რათა არსებული იდენტობები და ღირებულებები შეინარჩუნონ. როგორც ჩანს, ბრენდებს web3-ის მუდმივად განვითარებად სამყაროშიც კი შეუძლიათ დიდი წარმატების მიღწევა.

როგორ უნდა მოიქცნენ ლიდერები თანამშრომლების გადინების შემდეგ?

Veli.store-ისა და Re|Bank-ის დამეგობრების ამბავი