ამ მუდმივად ცვალებად სამყაროში ძალიან მაცდურია მუდმივად რაღაცის შეცვლის სურვილი. ადამიანის ბუნება გაოცებულია ახალ-ახალი ნივთები — ისინი ვარაუდობენ, რომ თუ რაღაც ახალია, ის განსაკუთრებული, მოწინავე და უკეთესიცაა. ხშირ შემთხვევაში ეს მართალია, მაგრამ დანარჩენ შემთხვევებში აბსოლუტურად მცდარია.
ეს სულაც არ არის იმის მოწოდება, რომ ისევ და ისევ ერთი ადგილი ტკეპნოთ. უბრალოდ, საჭიროა დახვეწილი უნარის განვითარება, რათა გაიგოთ, რა უნდა შეიცვალოს და რა არა. მარტივად რომ ვთქვათ, ცვლილებების ბრმა, აჩქარებულ იმპულსს შეცდომების გამოწვევის უფლება არ უნდა მისცეთ — ეფემერულ სისულელეს ნუ აედევნებით, სადაც „ძველი“ ავტომატურად ნიშნავს „ცუდს“, ხოლო „ახალი“ მყისიერად „კარგის“ ტოლფასია.
მრავალი მიზეზი არსებობს, რის გამოც ადამიანები „იცვლებიან“ ბიზნესში. პირველი მიზეზი არის ის, რომ მათ შეუძლიათ. ცვლილებები არსებობს. „მოდი შევცვალოთ, გავაკეთოთ რაღაც განსხვავებული, რადგან ერთი და იმავეს კეთება მოსაწყენია… თუნდაც ბრწყინვალედ მუშაობდეს“.
მეორე მიზეზი: „მე ახალი ვარ. ახალ ადამიანებს ყოველთვის სურთ რაღაცის შეცვლა და ამიტომაც ჩანან საზოგადოებაში გამორჩეულად. ცვლილება არის ის, თუ როგორ ტოვებენ კვალს“.
მესამე მიზეზი: „ახალი“ რჩება მეორე ყველაზე ძლიერ სიტყვად მარკეტინგში. „თავისუფლება“ კი ყველა სიტყვასა და ცნებაზე მაღლა დგას. დაბოლოს, და რაც მთავარია, ადამიანები იცვლებიან, რადგან მათ არ აქვთ მკაფიო გაგება და პატივისცემა ბრენდის ღრმად ფესვგადგმული, უცვლელი თვისებების მიმართ.
ცვლილებების დინამიკა რეკლამაშიც მუშაობს. მარკეტინგი, რაც უფრო ახლოსაა ბრენდის არსთან, მით უფრო ნაკლებად იცვლება. ხოლო რაც მეტად ახლოს ხართ შედეგის მიღებასთან, მით მეტად იცვლება სტრატეგიები.
ძირითადი ელემენტები, რომლებიც განსაზღვრავს ბრენდს, თითქმის არასოდეს უნდა შეიცვალოს.
ყველა კომპანიას აქვს არსის საკუთარი ვერსია, ბრენდის პირამიდები, ბრენდის ისრები და მისიის განცხადებები. ეს არის თაობების პრინციპები, რატომ დააარსეს კომპანია და შექმნეს იდენტობა, რომელიც განუყოფლად არის ბრენდთან დაკავშირებული. ამისათვის სტრატეგია კარგად უნდა იყოს გააზრებული და მხოლოდ ამის შემდეგ მიჰყვეთ მას, სანამ ეფექტური შედეგების მოტანას არ შეწყვეტს ან საბოლოოდ არ გაიცვითება.
ამასთან, კამპანიები, რომლებიც მხარს უჭერს სტრატეგიას, შეიძლება უფრო ხშირად შეიცვალოს. ეს ბრენდის ღირებულებების განსხვავებულად წარმოჩენაში დაგეხმარებათ — მეტად ფართო კრეატიული ასპარეზი გექნებათ და საზოგადოებამდეც მრავალფეროვანი გზებით მიიტანთ გზავნილს.
ასე რომ, შემდეგ ჯერზე, როცა გადაწყვეტთ, შეცვალოთ თუ არა რაიმე, დაუსვით საკუთარ თავს მარტივი შეკითხვა: ვცვლი მას იმიტომ, რომ უნდა შეიცვალოს, თუ იმიტომ, რომ მისი შეცვლა აუცილებელია? ნუ უგულებელყოფთ ბრენდს და ნუ შეცვლით არასწორი მიზეზის გამო. შეცვალეთ, როდესაც საჭიროა ცვლილება.
