ყოველწლიურად ვხედავთ, როგორ აღნიშნავენ ბრენდები თავიანთ იუბილეებს — მაგალითად, მიმდინარე წლის 18 ოქტომბერს BBC 100 წლის ხდება. 2111 წლის 1 სექტემბერს კი მარკეტერს შეუსრულდება 100 წელი.
რეალურად, ბრენდის დაბადების დღე ძალიან მნიშვნელოვანი თარიღია მარკეტინგულ სტრატეგიაში. ეს არის დრო, როდესაც გუნდის წევრები კომპანიის მოგზაურობაზე ფიქრდებიან, სწავლობენ წარსულისგან და სამომავლო ამბიციებს სახავენ. შესაძლოა, ამ ყველაფერს ნოსტალგიის ელფერი ჰქონდეს, რაც ემოციურ კავშირს კიდევ უფრო ზრდის თანამშრომლებს, ისე თანამშრომლებსა და კომპანიას შორის.
როგორ შეგიძლიათ ამ მომენტების ბრენდის გასავითარებლად გამოყენება?
ბევრი ბრენდი ხედავს იმაზე გაცილებით მეტის შექმნას, ვიდრე უბრალოდ აღიარებაა. ისინი თამამ მარკეტინგს მიჰყვებიან და მომხმარებლებს რაღაც ნამდვილად უნიკალურს სთავაზობენ. მაგალითად, 70 წლის იუბილეზე UNICEF-მა, გაეროს ბავშვთა ფონდმა, იფიქრა იმაზე, თუ როგორ შეიძლებოდა დაბადების დღის გამოყენება დაუცველი ბავშვების ცხოვრების გაუმჯობესება. ამის ფარგლებში დამაჯერებელი ფოტო დოკუმენტი შექმნა, რომელიც ბავშვების გამოცდილებას ადარებს „70 წლის წინ და დღეს“.
ხოლო Aldi-მ სრულიად განსხვავებული მიდგომა გამოიჩინა და თავის 30 წლის იუბილესთან დაკავშირებით წამოიწყო კამპანია „არავის აინტერესებს“, რამაც დიდი ყურადღება და მოწონება დაიმსახურა სოციალურ მედიაში.
რა შეიძლება ვისწავლოთ ბრენდის დაბადების დღეზე?
1. გამოიყენეთ ბრენდის მემკვიდრეობა, მაგრამ გახადეთ ის განსაკუთრებული და დამაინტრიგებელი
დაარსებიდან 100 წლის იუბილესთან დაკავშირებით, Converse-მა სნიკერსის პორტრეტები გამოიყენა, რომლებში ლეგენდარული ფიგურები იყვნენ წარმოდგენილნი — ენდი უორჰოლი და პეტი სმიტი.
ჯონი უოკერის 200 წლის იუბილესთან დაკავშირებით კი უნიკალური შეზღუდული გამოცემის ვისკის სერია შეიქმნა – Old Highland Whiskey-მ ხელახლა წარმოადგინა ორიგინალური რეცეპტი. ასევე, Bicentennial Blend, ძალიან ძვირფასი შეზღუდული გამოცემის სასაჩუქრე ყუთი. ეს უკანასკნელი სიმბოლო Blue Label-ს უკავშირდებოდა.
2. მომხმარებლებს მომავალი უფრო აინტერესებთ, ვიდრე წარსული
Tesco-მ კარგად გამოიყენა 100 წლის იუბილე, როგორც მისი აღდგენის გეგმების ნაწილი. იგი ცდილობდა, თავისი მომხმარებლებისთვის რაღაც განსაკუთრებული შეეთავაზებინა — მათ შორის, სპეციალური ფასები კლუბის ბარათების მფლობელებისთვის და საშობაო კამპანია, რომელშიც წარმოდგენილია ნოსტალგიური ბრიტანელი საკულტო ადამიანები.
ჯონი უოკერის შემთხვევაში კი ხელახლა განისაზღვრა მდგრადობის სტრატეგია. ამის ფარგლებში, მსოფლიოში პირველი ქაღალდზე დაფუძნებული, 100% პლასტმასისგან თავისუფალი ლიქიორის ბოთლიც კი შექმნეს.
თქვენი საქმიანობის დაკავშირება იმ შესაძლებლობებთან და გამოწვევებთან, რომლებიც დღეს ბრენდის წინაშე დგას, ფოკუსირება იმაზე, თუ რას აფასებენ მომხმარებლები და მომხმარებლები, სასიცოცხლოდ მნიშვნელოვანია ბრენდისთვის. ეს დაბადების დღის წვეულებას თავისთავად დაუვიწყარს გახდის.
ხოლო მარკეტერის შემთხვევაში 11 წლის იუბილესთან დაკავშირებით, დაიწყო ახალი უნიკალური პროექტი „ცდა“. მისი მიზანია, ახალგაზრდებს საშუალება მისცეს მარკეტინგის, ბიზნესისა და კრეატივის პრაქტიკულ დავალებებში გამოავლინონ საკუთარი შესაძლებლობები და ჯილდოდ მიიღონ 20,000 ლარი. გაინტერესებს დეტალები? მაშინ, ბოლომდე მოგვყევი!
