in

რისთვის სჭირდება ბრენდს ემოციური ნარატივი?

ეკონომისტები და მომხმარებლები თანხმდებიან, რომ ჩვენ რეცესიის პროცესში ვართ. ბრენდები კი, გასაგებია, რომ ნერვიულობენ. რა თქმა უნდა, ისინი იმაზე დარდობენ, თუ რა მოხდება შემდეგ და როგორ შეიცვლება მათი მომგებიანობა. იმისათვის, რომ თავიანთი ბიზნესი რეცესიისგან უკეთ დაიცვან, ზოგიერთი კომპანია ფასებს ზრდის; ზოგი კი ხარჯებს ამცირებს.

ამ ყველაფრის ფონზე ლიდერები ფრთხილად უნდა იყვნენ იმასთან, რაც ერთ პროდუქტს მეორისგან გამოარჩევს — საუბარია ისტორიებზე. მაგალითად, ავიღოთ „მცირე“ პროდუქტები, რომლებიც რეცესიის მიმართ მდგრადია, როგორიცაა ფუფუნების აქსესუარები, სტრიმინგის სერვისები და შინაური ცხოველებისთვის საჭირო ნივთები. სამივე მათგანი იმდენად ბევრ კომპანიას იტევს, რომ ბაზარზე საკმაოდ დიდი კონკურენცია იქმნება, პროდუქტებიც ხშირად ერთნაირია. მაშ, როგორ შეგიძლიათ, საკუთარი საქმიანობა წამყვანი კომპანიების რიგებში ჩაწეროთ?

გამოირჩევით ხალხმრავალ ბაზარზე

უპირველეს ყოვლისა, მომხმარებლებს საშუალება მიეცით, კონკურენციის დიდ ქაოსში თქვენ აგირჩიონ. შემდეგ მათ თქვენი ამბავი უამბეთ, რათა გრძელვადიანი შთაბეჭდილება დატოვოთ. ეს დაგეხმარებათ, კომპანიის იდენტობა და მისია უფასოდ გაავრცელოთ ადამიანიდან ადამიანზე — ანუ, ცოცხალი და უწყვეტი რეკლამა წამოიწყოთ.

ყოველივე ამის შემდეგ თქვენი მარკეტინგული ხარჯების დივერსიფიკაცია მარკეტინგის წამყვანი შუქია. თქვენი მიზნებიდან გამომდინარე, კარგი მიზეზები არსებობს ფასიან და შემოსავლიან მედიაში ინვესტირებისთვის, ასევე ცნობილ ადამიანებთან და ინფლუენსერებთან დასაკავშირებლად.

თუმცა, გაყიდვების კუთხით, რეცესია რეალურად შესანიშნავი დროა იმისთვის, რომ ხალხმრავალ ბაზარზე ლიდერის პოზიცია დაიკავოთ. სწორედ ამ დროსაა აუცილებელი, საზოგადოებას თქვენი ამბავიც მოუყვეთ. ისტორიულად, რეცესიამ ბიზნესი გამარჯვებული და დამარცხებული გახადა. გამარჯვებულები კი არ არიან ის კომპანიები, რომლებიც უკან იხევდნენ და იმედოვნებდნენ, რომ მათი გაყიდვები ოდესმე აღორძინდებოდა.

მაგალითად, 2008 წლის დიდი რეცესიის დროს Warby Parker-მა თავისი შეტყობინებები გამოიყენა — თითოეული მათგანი იმას ეხებოდა, თუ როგორ დაიშალა სათვალეების ინდუსტრია, მომხმარებლებს კი უფრო მოსახერხებელი, ეკონომიური მოდელები სჭირდებოდათ. ამის საფუძველზე, განუმეორებელი ინოვაციური ისტორიის წყალობით, კომპანიამ განამტკიცა თავისი, როგორც ელექტრონული კომერციის ლიდერის სტატუსი. დროა, გამოიგონოთ ამ ისტორიის საკუთარი ვერსია და უთხრათ მომხმარებლებს, რატომ უნდა იყოთ მათი მთავარი სიის ნაწილი.

მნიშვნელოვანი კავშირები, რომლებსაც მომხმარებელი დაუბრუნდება

როგორც ბრენდის დამფუძნებელს, ბუნებრივია, გსურთ, რომ თქვენი ამბავი ინტერნეტ სივრცეში იყოს განთავსებული — ანუ, იქ, სადაც ადვილად იპოვიან და ნებისმიერ დროს დაუბრუნდებიან. ზოგადად, მომხმარებლებს ადამიანებისგან მოსწონთ ყიდვა და არა ბრენდებისგან, რომლებიც საზოგადოებისგან განყენებულია. ამიტომაც არის აუცილებელი ემოციური კავშირების დამყარება და კომპანიის „ჰუმანიზაცია“.

მაგალითად, უალკოჰოლო აპერიტივების ბრენდი Ghia ერთ-ერთი „მეორადი“ პროდუქტია, რომელიც არავის უნდა. მაგრამ საინტერესო ნარატივის წყალობით, დამფუძნებლის სიფხიზლემ მილიონობით რეზონანსი გამოიწვია და მისი ბრენდი ბარების განუყოფელ ნაწილად აქცია. კარგად თუ დავფიქრდებით, ეკონომიკური კრიზისის დროს გაყიდვების ერთადერთი გზა პიარი არ არის. უბრალოდ, ბრენდები ჭკვიანურად უნდა მოეკიდონ დივერსიფიკაციას.

ყველამ კარგად ვიცით, რომ გავლენის მქონე ადამიანები არსებობენ, რომლებიც ყველაფერს უნიკალური და ინოვაციური გზებით აღწევენ… ამის ფონზე ინფლუენსერთა რიცხვიც გაიზარდა, მაგრამ ყოველთვის ისინი ვერ იზრუნებენ კონკრეტული კომპანიის პოპულარობის ზრდაზე. ამის ერთ-ერთი მიზეზი ისიც არის, რომ როცა ვიღაც სხვა საუბრობს ბრენდზე, ამ უკანასკნელის ნარატივს თავად მთხრობლის იდენტობის ისტორიაც ემატება. ამიტომ, პირველ რიგში იმაზე იფიქრეთ, რას წააწყდებიან მომხმარებლები Google-ში, როცა თქვენს ინდუსტრიასთან დაკავშირებულ პროდუქციას ეძებენ.

Airbnb წვეულებას შეაჩერებს, თუ მისი ჩატარების ნებართვა არ გექნებათ

ASBIS და UNITED24 უკრაინისთვის ფონდების მოზიდვას იწყებენ — Bang & Olufsen Beosound 2 დინამიკების შეზღუდული გამოცემა