in

3 გზა ბრენდის მარკეტინგის მომავალის განსასაზღვრად

ბრენდის მარკეტინგი რევოლუციას განიცდის, რაც პროგრამირების გაზრდილი შესაძლებლობებითაა გამოწვეული — როგორც ტელევიზიაში, ისე აუდიოში და სახლს გარეთ (OOH). დღეისათვის ამ გავლენიანი არხების უპირატესობების გამოყენება ბრენდს აუდიტორიის უფრო სწრაფად მოზიდვის გზებს სთავაზობს, ვიდრე ოდესმე. მარკეტერებისთვის ეს ავტომატურად ნიშნავს იმის გადააზრებას, თუ როგორ უნდა შექმნან ოპტიმალური მედია მიქსი, შესრულების მარკეტინგი და ბრენდის მარკეტინგული ტაქტიკა კი ეფექტურად გააერთიანონ.

ზუსტი დამიზნება 

Covid-19-ის პანდემიის დროს ეკონომიკური გაურკვევლობის პირობებში, ბევრმა რეკლამის განმთავსებელმა გაიღო ბრენდის ხარჯები სწრაფი მოგების სასარგებლოდ. ცხადია, ისიც ჰქონდათ გაცნობიერებული, რომ მხოლოდ ეფექტურ არხებში ინვესტირებამ შეიძლება ზიანი მიაყენოს გრძელვადიან ბიზნეს შედეგებს. დღეს მარკეტერები კვლავ აწყდებიან ეკონომიკურ გაურკვევლობას, რადგან ცხოვრების ღირებულება სწრაფად იზრდება. ამ დროს წარმატების გასაღები იმის გაგებაა, თუ როგორ უნდა დაამყაროთ მომხმარებლებთან კომუნიკაცია სხვადასხვა არხით. თანაც, იმ სიზუსტით, რომელიც რისკების შესამცირებლადაა საჭირო და, ამავდროულად, იმ მასშტაბით, რომელიც ბრენდის ცნობადობის მისაღწევად და შესანარჩუნებლად გჭირდებათ.

ამ ყველაფრის გათვალისწინებით, მარკეტერებს შეუძლიათ, აუდიტორიის დამატებითი მონაცემები გამოიყენონ, რომელთა ხელმისაწვდომობასაც პროგრამული უზრუნველყოფა ქმნის. უფრო კონკრეტულად, მათი ჩართვა შესაძლებელია კამპანიის დაგეგმვისა და აქტივაციის პროცესებში, რათა ბრენდებს კონკრეტულ აუდიტორიაზე მორგებული გზავნილების შემუშავება შეეძლოთ.

ონლაინ და ოფლაინ ინტეგრაცია

როდესაც ონლაინ და ოფლაინ არხები დაგეგმილია და შეძენილია ერთი მოთხოვნის პლატფორმის ფარგლებში (DSP), მარკეტერებს ერთიანი ხედვა აქვთ ყველა აქტივობაზე და შეუძლიათ, კამპანიის დროის, კრეატიული და სატენდერო სტრატეგიების დამატებითი ხარჯების დაზოგვის მიზნით ყოვლისმომცველი ოპტიმიზაცია მოახდინონ. ამის შედეგი ოპტიმალური დაფარვა და მაღალი პროდუქტიულობაა.

მაგალითად, საცალო ვაჭრობის კომპანიას შეუძლია სპორტული ტანსაცმლის აქცია ჩაატაროს როგორც ონლაინ, ისე ოფლაინ მაღაზიებში. მარტივად რომ ვთქვათ, ერთი და იმავე პროექტის განხორციელება მრავალ არხზეა შესაძლებელი — უბრალოდ, შესაბამისი მეთოდებით უნდა იქნას მიწოდებული. ეს კი კამპანიის მიზნებისა და სამიზნე აუდიტორიის მიხედვით განისაზღვრება.

გამოცადე და ისწავლე

ბოლო ორი წლის განმავლობაში, მომხმარებელთა ქცევაში უპრეცედენტო ცვლილებების ფონზე, მარკეტინგში აუცილებელი გახდა ტესტირება და სწავლა. ყველა მედია გარემოში წარმოქმნილმა რყევებმა ტესტირებისა და ინოვაციების ზრდა გამოიწვია. მარკეტერებისთვის ეს, არსებული შესაძლებლობების გასაგებად და ძლიერი ტესტირების სტრატეგიების განსახორციელებლად, დროისა და ბიუჯეტის გამოყოფას ნიშნავს.

ტესტირებისა და სასწავლო კამპანიები ყურადღებით უნდა დაიგეგმოს და განხორციელდეს მკაფიო ჰიპოთეზის საფუძველზე. ამავდროულად, უზრუნველყოფილი უნდა იყოს, რომ არსებულმა კამპანიებმა შედეგების მოტანა გააგრძელოს. უფრო ფრთხილი მიდგომის მქონე მარკეტერებმა ყურადღება უნდა გაამახვილონ ახალ აქტივობებზე, რომლებიც შექმნილია მიმდინარე აქტივობების გასაუმჯობესებლად.

მათთვის, ვისაც ნაკლებად აქვს რისკისადმი მიდრეკილი სტრატეგია, ახლა სწორი დროა ინვესტციების ინოვაციებისკენ მისამართად. მიუხედავად იმისა, თუ რომელ მიდგომას აირჩევთ, გაზომვები წარმატების განსაზღვრის გასაღები იქნება. იფიქრეთ თქვენს მიზნებზე და შეესაბამება თუ არა თქვენი მიდგომები ამჟამინდელ გაზომვის მეთოდებს — იქნებ, ახალი მეთოდოლოგიის დანერგვაა საჭირო.

ბრენდის მარკეტინგის მომავალი

სანამ მომავალზე იფიქრებთ, უნდა გახსოვდეთ, რომ ბრენდის მარკეტინგის მიზანი იგივე დარჩება: ყურადღების მიპყრობა და გავლენის ქონა დამოკიდებულებებზე და ქცევაზე. ამის გაკეთების გზებს კი მომხმარებელთა ქცევა, აზროვნება და ყიდვის ჩვევები განსაზღვრავს. არ აქვს მნიშვნელობა, რამდენად მოწინავეა პლატფორმები ან რამდენი ახალი არხი გამოჩნდება მომავალში, ყველაზე ეფექტური ბრენდის მარკეტინგი ყოველთვის უახლესი სამომხმარებლო ტენდენციების შესაბამისად დაიგეგმება.

ყველა მედიის ზუსტი მომავალი განისაზღვრება იმით, თუ როგორ უპასუხებენ მარკეტერები სამ კითხვას:

1) რა მიზნის მიღწევას ვცდილობ?

2) რომელი არხები დამეხმარება საუკეთესოდ ჩემი მიზნების მიღწევაში?

3) რა ღირებულების მომტანი იქნება ჩემი კამპანიები? (განსაკუთრებით მნიშვნელოვანია მდგრადობაზე, მრავალფეროვნებასა და ინკლუზიაზე აქცენტირება).

ვისი ბრალია, როცა თანამშრომლები სამსახურში მინიმალურად იხარჯებიან?

ნახეთ: ემინემისა და სნუპ დოგის რეპის NFT ვერსია