ბრენდისთვის შესაბამისი სახელის პოვნა მრავალი ტიპის რაციონალურ ახსნასაც მოიცავს, რაშიც სწორედ ბრენდის სახელის შემქმნელები არიან დახელოვნებულნი. ზოგი სახელს ბრენდის ეფექტური მართვისთვის ყველაზე მნიშვნელოვნადაც მიიჩნევს.
თუმცა აქ ყურადღება იმაზეც უნდა გავამახვილოთ თუ რას ნიშნავს კონკრეტული ბრენდი… ათწლეულების მანძილზე ამერიკელები განსაკუთრებულ შემთხვევებს Kodak-ის დახმარებით ასახავდნენ — სურათების გადაღებით ემოციებს ფირზე ინახავდნენ. ამგვარად, Simon and Garfunkle სიმღერა Kodachrome-იც შეიქმნა. „კოდაკი“ კი ცნობილი ამერიკული ბრენდი გახდა, მაგრამ მას გამოგონილი სახელი ჰქონდა. აქ არავინ განიხილავს მის ფარულ ან განსაკუთრებულ მნიშვნელობას, მაშინ ის ადამიანებიც კი არ არსებობდნენ, რომელთაც მისთვის განსაკუთრებული სახელის შერჩევა შეეძლებოდათ. ეს იყო მოკლე, მარტივად წარმოსათქმელი, მოგონილი სიტყვგა, რომელიც პატარა ყუთს კარგად ერგებოდა.
ამასთან, ზოგიერთი ბრენდის სახელი შემთხვევითაც შეიქმნა, მაგალითად, ფაქტია, რომ Google-ის სახელი მართლწერის ხარვეზის გამო მიიღეს… ზოგიერთი ამაზე ბევრს საერთოდ არც ფიქრობს და ბრენდს პირდაპირ შვილის ან საყვარელი ცხოველის სახელს არქმევს, მათ შორისაა Mercedes და Snickers, ამ უკანასკნელს სახელი ცხენის პატივსაცემად დაარქვეს. აქ, შვილის მეტსახელსაც კი იყენებენ და ასე შეიქმნა Tootsie Roll. ამასთან, მრავლად შეხვდებით ოჯახების გვარებს — Mars, Ford Motor Company, W.L. Gore, Hearst, Wrigley, Dyson, Kellogg’s და Chanel.
ალბათ, ჩამოთვლილი ბრენდებიდან ბევრი თქვენთვის ნაცნობიცაა ან, შესაძლოა, თითოეული მათგანის მიმართ მიღებული გამოცდილების გამო ერთგულებასაც გამოხატავდეთ… აქ კი იმაზე უნდა დაფიქრდეთ, რომ ბრენდის დაპირება და არსი სახელს მნიშვნელობას ანიჭებს და არა, პირიქით. ის თუ როგორ ვაცნობთ ჩვენ სხვებს ბრენდის სახელს, მის მიმართ ინტერესსაც წარმოშობს. დაპირებების შესრულება კი ბრენდის მიმართ სანდოობასა და ლოიალობას აყალიბებს.
სწორედ ამიტომ, შესაბამისი სახელის შერჩევა სერიოზული და საკმაოდ ძვირი საკითხიცაა. ეს რესურსებსა და კრეატიულობას მოითხოვს. სახელს გავლენა როგორც ლოგოზე, ისე ბრენდის სლოგანზეც აქვს. სახელი კი სრულყოფილად მაშინ ჩაითვლება თუ იგი ბრენდისა და მისი მომხმარებლების შესახებ ყველაფერს გამოხატავს. მთავარი მესიჯის გამოხატვაც ხშირად მხოლოდ ერთი მარტივი სიტყვით უნდა მოხდეს.
ბრენდის სახელის შექმნის პროცესზე მრავალი მოსაზრებაც არსებობს, ზოგი ფიქრობს, რომ, მსგავსად, თქვენ ენასა და სახელს ქმნით, რომელიც ფსიქოლოგიას ეხება და პროდუქტსაც ყიდის. ზოგიც მთავარ ფაქტორად პროდუქტის არსის გადმოცემას მიიჩნევს, ზოგისთვის კი ეს ხმის სიმბოლიკისა და ასოების სტრუქტურის სწორად შერჩევაა…
Mercedes, Google, Amazon, Disney, Apple, L’Oreal, McDonald’s — დიახ, ეს ყველაზე ძლიერი ბრენდების ჩამონათვალია, თუმცა მათგან არცერთს უცდია კომპანიის მთავარი გზავნილის ერთი სიტყვით გადმოცემა და აქ, არც ზემოთ განხილული რომელიმე მოსაზრება გაუთვალისწინებიათ…
ამასთან, ბრენდების სახელები ხშირად იცვლება ხოლმე, მაგალითად, Kentucky Fried Chicken KFC-დ გადაიქცა, რათა სიტყვას Fried დაშორებოდა. ზოგიერთი ბრენდისთვის კი სახელის შეცვლის საჭიროებაც ჩნდება — ValueJet კატასტროფის შემდეგ AirTran-ად გადაიქცა. მსგავს პროცესებს ძლიერი ემოციური რეაქციაც მოყვება ხოლმე…
თუმცა საცალო ვაჭრობაში რაღაც განსხვავებული ხდება. უძრავი ქონების დეველოპერებმა გადაწყვიტეს, რომ ონლაინ შოპინგის ცვლილებებთან გასამკლავებლად ერთადერთი გზა სიტყვა mall-ის მოშორება იყო — ეს უფრო 1970-იან წლებს ერგებოდა, ვიდრე დღევანდელობას და ამასთან, არც მის არსს გადმოსცემდა სრულად. შედეგად, დღეს საცალო ვაჭრობაში ისეთი სიტყვები გაჩნდა, როგორებიცაა, The Shoppes, The Promenade, Crossing ან Quarter. Mall კი Galleria-სა და Pavilion-ის ნეგატიური სიტყვების გვერდით დადგა. გამოდის, ზოგჯერ სახელები ბაზრის ცვლილებებსაც უნდა მოერგოს.
დაპირებების შესრულება კი კრიტიკულად მნიშვნელოვან საკითხად რჩება და ეს ბრენდებისთვის ნომერ პირველი პრიორიტეტიც უნდა გახდეს.
