ნაცნობი სიტუაციაა – შედიხარ სახლში და ყველა ოთახში კომპიუტერი ან სმარტფონია ჩართული. ვიღაც კინოს უყურებს, სხვა – თამაშებით ერთობა. თითქოს, მთელ სახლში ფილმების გმირები და თამაშების პერსონაჟები დაქრიან. ეს პროცესი რომ არ შეფერხდეს, ინტერნეტის ეფექტური მიწოდებაა საჭირო. კომპანიამ BT, რომელიც ინტერნეტ მოწყობილობებს აწარმოებს, თავისი სერვისის პოპულარიზაციისთვის რეკლამა გამოუშვა. ვიდეორგოლი რაღაცით ფრანგული არხის CANAL+ კამპანიას მოგვაგონებს, სადაც ტელეარხის შიდასამზარეულოში მიმდინარე აქტიური პროცესები სახალისოდ არის გადმოცემული და BT-ის ვიდეორგოლის მსგავსად, ტელეშოუების პერსონაჟები არიან გაცოცხლებული.
