ბიზნესისა და ტექნოლოგიების უნივერსიტეტში (BTU), iamtheCODE AI Institute-თან პარტნიორობით, წარმატებით დასრულდა ქალებისა და გოგოებისთვის გამართული საერთაშორისო ჰაკათონი ხელოვნური ინტელექტის მიმართულებით. სამდღიანი ღონისძიების ფარგლებში ჟიურიმ 5 გამარჯვებული გუნდი გამოავლინა.
ჰაკათონი მიზნად ისახავდა ახალგაზრდა ქალების გაძლიერებას ტექნოლოგიების სფეროში და მათთვის ინოვაციური შესაძლებლობების შექმნას. ღონისძიებაში მონაწილეობა მიიღო დაახლოებით 100-მა ახალგაზრდა ქალმა, რომლებიც სამი დღის განმავლობაში რეალურ პრობლემებზე მუშაობდნენ და გაეროს მდგრადი განვითარების მიზნების (SDG) მიღწევის გზებზე ფიქრობდნენ ხელოვნური ინტელექტის გამოყენებით.
გამარჯვებული გუნდებისთვის გათვალისწინებული საგრანტო და პროფესიული შესაძლებლობები მოიცავს:
- 12-კვირიან მენტორულ პროგრამას iamtheCODE გლობალური ქსელისგან
- წვდომას პრემიუმ AI კურსებზე iamtheCODE-ის პლატფორმაზე
- 1,000 ლარის ღირებულების საგრანტო ვაუჩერს იდეის შემდგომი განვითარებისათვის
- გამარჯვებული პროექტების პრეზენტაციას გაეროს გენერალურ ასამბლეაზე, ნიუ-იორკში
[R]
