ლუდსახარში კომპანიის სარეკლამო კამპანია მეგობრობის გადარჩენაზეა ფოკუსირებული, ვინაიდან ბევრი ზრდასრული მამაკაცი აღიარებს, რომ სულ უფრო ნაკლებ სიახლოვეს განიცდიან ძველ მეგობრებთან — უფრო ზუსტად, Buds-ებთან.
აღნიშნული გამოწვევის ხაზგასასმელად, Budweiser Canada-მ, მეგობრობაზე ორიენტირებული კამპანიის ფარგლებში, 147-წლიანი ისტორიის მქონე დასახელებიდან Bud ამოიღო. ცხადია, ეს დროებითია და მხოლოდ გარკვეული პერიოდის განმავლობაში ვიხილავთ ბრენდის უჩვეულოდ შეცვლილ სახელწოდებას სოციალურ ქსელებში, ბილბორდებსა და ბოთლის ეტიკეტებზე.
გარდა „__weiser“-ის დატოვებისა, „მეგობრობის რეცესიაზე“ მეტი ყურადღების მისაპყრობად, ბრენდმა ვიდეორგოლიც გადაიღო. ამ უკანასკნელში კანადელი მამაკაცები საუბრობენ, როგორი იქნებოდა მათი ცხოვრება მეგობრების გარეშე.
