in

Budweiser-ისა და კატარის დაპირისპირება მუნდიალზე

კატარში ფეხბურთის მსოფლიო ჩემპიონატის ჩატარებას არაერთი პრობლემა ახლავს თან, მაგრამ დღეს ერთი კონკრეტული ბრენდის შემთხვევაზე ვისაუბრებთ, კერძოდ, Budweiser-ზე. მასპინძელმა ქვეყანამ გადაწყვიტა, ტურნირის სტადიონებზე ალკოჰოლური ლუდის ყოველგვარი გაყიდვა აიკრძალოს… და რა რეაქცია გექნებოდათ, 75 მილიონ დოლარზე მეტი რომ გადაგეხადათ იმისათვის, რომ 2022 წლის მსოფლიო ჩემპიონატის ოფიციალური ლუდის ბრენდი გამხდარიყავით და უცბად ასეთი აკრძალვა დაეწესებინათ?

რეალურად, გლობალურ ბრენდებს არაპროგნოზირებადობა არ მოსწონთ. FIFA-ს, კატარის ოფიციალურ პირებსა და Budweiser-ის წარმომადგენლებს 12 წელი ჰქონდათ ამ საკითხების გასარკვევად — ლუდის კონგლომერატის სპონსორობის აღიარებისა და არაბული სახელმწიფოს ალკოჰოლისადმი დამოკიდებულების განსასაზღვრად.

ფაქტია, მსხვილმა ბრენდებმა დიდი ხნის წინ გადაწყვიტეს, ეს უდიდესი მსოფლიო თასები მარკეტინგულად გამოეყენებინათ, როგორც პროდუქციის პოპულარიზაციისთვის, ისე გარკვეული იდეების გასატარებლად. ახლა კი, როდესაც მსოფლიო ჩემპიონატი დაიწყო, მის მასპინძლობასთან დაკავშირებული სირთულეები აღარ არის ჰიპოთეტური და კომპანიებს კითხვა გაუჩნდათ: ისინი ოფიციალური სპონსორები არიან თუ უბრალოდ სიმბოლური „ჩანახატები“? როგორც ჩანს, მარკეტერები თითქმის ყველაფრისთვის უნდა იყვნენ მზად.

„კომპანიები აუცილებლად უნდა დაუკავშირდნენ თავიანთ პიარ ფირმებს. ვფიქრობ, მათი უმეტესობა გაუთვალისწინებელი სიტუაციებისთვის ემზადება… მთავრობამ განაცხადა, რომ ადამიანების დასჯას არ აპირებს ჩაცმულობის ან სიმთვრალის გამო, თუ აგრესიულები არ იქნებიან, მაგრამ კომპანიები მაინც მზად უნდა იყვნენ ამისთვის“, — ამბობს ვილანოვას ბიზნესის სკოლის მარკეტინგის პროფესორი ჩარლზ ტეილორი.

ალბათ, ეს მოსალოდნელიც იყო: მაგალითად, 2018 წლის ტურნირი რუსეთში თავიდანვე კორუფციის ბრალდებით იყო გაჟღენთილი. ხოლო 2014-ში ბრაზილია შიდა პროტესტს წააწყდა, რადგან ბრაზილიელებმა სტადიონთან დაკავშირებული ხარჯები გააკრიტიკეს. „მსოფლიო ჩემპიონატზე არ უნდა იასპარეზოთ კულტურისა და კონტექსტის გააზრების გარეშე. ბრენდებს, რომლებთანაც ვმუშაობთ, რა თქმა უნდა, A და B გეგმები აქვთ. ამის ნაწილია ისეთი დავალების შესრულება, სადაც ბრენდის სტრატეგებმა და ანალიტიკოსებმა იციან, როგორ მართონ ეს საუბარი, ჰქონდეთ გარკვეული პოზიცია და მკაფიოდ იცოდნენ საკუთარი ღირებულებების თუ მისიის შესახებ“, — განმარტავს შელინა ტაკი, PMG-ის სტრატეგიისა და კვლევის უფროსი დირექტორი.

მიუხედავად ამ საკითხების თეორიულად გაცნობიერებისა, მსოფლიო ჩემპიონატის სპონსორის ერთ-ერთმა ყოფილმა მარკეტინგის დირექტორმა აღნიშნა, რომ „ეს ტურნირი თავიდანვე არეულობა იყო და წლევანდელი პრობლემები მისი, როგორც საუკეთესო მარკეტინგული არეალის, დასასრულის დასაწყისია.

თიბისის მხარდაჭერით მოსწავლე გამომგონებელთა კონკურსი „ლეონარდო და ვინჩი“ გაიმართა

არის თუ არა თქვენი ბიზნესი მოსახლეობის დაბერებისთვის მზად?