„ბარბერიმ“, ამ კვირაში, საკუთარი ბრენდ იდენტობის ორი ახალი ასპექტი წარმოადგინა: ერთი მათგანი იყო მოზაიკური მონოგრამა, რომელიც შეიქმნა დამფუძნებლის, თომას ბარბერის ინიციალებით, ხოლო მეორე – ახალი ლოგოტიპი, რომელმაც საზოგადოებაში არაერთგვაროვანი რეაქცია გამოიწვია.
ბრენდის პირველი ლოგოდიზაინი, დაახლოებით, 2 დეკადის წინ შეიქმნა ცნობილი ბრიტანელი დიზაინერის, პიტერ სევილის მიერ.
საინტერესოა ის, რომ ბარბერის ინსტაგრამ გვერდზე გაზიარდა ბრენდის აღმასრულებელი კრეატიული ოფიცრის, რიკარდო თისჩისა და პიტერ სევილის მიმოწერის ფოტოები, სადაც ჩანს, რომ სევილს მისცეს 4 კვირა ლოგოს რედიზაინისთვის, რაზეც დიზაინერმა გარკვევით მიუგო: „შენ გჭირდება 4 თვე ასეთი პროექტისთვის!“
სევილმა შექმნა ახალი, მინიმალისტური ლოგო და „ბარბერის“ საარქივო მასალების დახმარებით – მონოგრამის პატერნი, რომელსაც გამოიყენებენ ბრენდის მარკეტინგში. ნამუშევრებმა მოწონება დაიმსახურა მოდის ინდუსტრიაში, თუმცა ბრენდის მიმდევრების მკაცრი კრიტიკის ქვეშ მოექცა, სოციალურ მედიაში: 
„ის ჰგავს მაიკროსოფტ ვორდში გაკეთებულს“, – აღნიშნა ბრენდის ერთ-ერთმა მომხმარებელმა.
„უბრალოდ, ძალიან ცუდია“, – დაწერა სხვამ.
თუმცა, „ბარბერის“ აღმასრულებელი კრეატიული ოფიცერი, თისჩი კმაყოფილია სევილის ნამუშევრით, რაც არ დაუმალავს ინსტაგრამზეც: „პიტერი არის ჩვენი თაობის გენიოსი გენიოსებს შორის, დიზაინში. ბედნიერი ვარ, რომ მასთან კოლაბორაციის საშუალება მქონდა და შევქმენით „ბარბერის“ ახალი ვიზუალური საკომუნიკაციო ენა“.
https://www.instagram.com/p/Bl-LSk1HXZA/?utm_source=ig_embed&utm_campaign=embed_loading_state_control
https://www.instagram.com/p/Bl-Lox3ne2Q/?utm_source=ig_embed&utm_campaign=embed_loading_state_control
https://www.instagram.com/p/Bl-L0SUnqIF/?utm_source=ig_embed&utm_campaign=embed_loading_state_control
