Burger King Brazil-მა, სარეკლამო სააგენტო DM9-სთან თანამშრომლობით, უჩვეულო კამპანია წამოიწყო — ის არა უშუალოდ შობას, არამედ დღესასწაულის თანმდევ მდგომარეობას შეესაბამება… ვინაიდან ახალ წელს ბევრი ჩვენგანი სასმელთან ერთად აღნიშნავს, ნაბახუსევიც კარგად ნაცნობი ამბავია.
სწრაფი კვების ბრენდმა სწორედ ეს აქცია კამპანიის ამოსავალ წერტილად — მის აპლიკაციასა და ვებგვერდზე დაემატა სელფის გადაღების ტექნოლოგია, რომელიც ავტომატურად აანალიზებს ნაბახუსევის დონეს. სიმძიმის მიხედვით კი, მომხმარებლებს შესაბამის ფასდაკლებას სთავაზობს თავის პროდუქტებზე. ასე ვთქვათ, რაც უფრო მეტად ეტყობათ მომხმარებლებს ნაბახუსევი მდგომარეობა, მით მეტ ფასდაკლებას მიიღებენ.