ბელგიის მოსახლეობა Burger King-ის რესტორნებს საკმაოდ დიდხანს ელოდა. მოლოდინი იმდენად დიდი იყო, რომ გამოკითხვაც კი ჩაატარეს და ლამის არჩევანიც გააკეთეს მათ რეალურ მეფე ფილიპსა და Burger King-ს შორის. როგორც იქნა, ბელგიელების სურვილი ახდა და კომპანიამ თავისი რესტორანი ბრიუსელის გარეუბანში ისეთ ადგილას გახსნა, რომელიც არც ცენტრალური ადგილია და ვერც ხალხმრავლობით დაიტრაბახებს. არც თუ ისე კომფორტული ადგილმდებარეობით გამოწვეული უკმაყოფილების გამოსწორება ბრენდმა საკმაოდ ჭკვიანური და ორიგინალური იდეით გადაწყვიტა, რომლის მოფიქრება, განხორციელებაშიც მას ერთგული მეგობარი სააგენტო Buzzman-ი დაეხმარა. ერთობლივი მუშაობის ფარგლებში, ბრიუსელში გამოჩნდა სპეციალური, Burger King-ის ავტობუსები, რომლებსაც მომხმარებელი პირდაპირ თავის რესტორანში მიჰყავს და შემდეგ უკან აბრუნებს.
