in

იღბლიანი სიყვარულის ამბავი — Camelot-ის საშობაო რეკლამა

adam&eveDDB-ის მიერ შექმნილი საშობაო კამპანია რომანტიკულ კომედიას მოგვაგონებს, რომელიც იღბლის მაგიაზეა ფოკუსირებული. იღბლის ასპექტი შემთხვევითი სულაც არ არის, რადგან რაც უნდა გასაკვირი იყოს, სააგენტომ ეს რეკლამა ლატარიის ოპერატორ Camelot-ისთვის შექმნა.

სიუჟეტი მატარებელში იწყება, როდესაც ორი უცნობი ადამიანი შემთხვევით ჯდება ერთმანეთის გვერდით და ნაპერწკალიც მყისიერად წარმოიქმნება. ხოლო როდესაც ქალის გაჩერებამდე მიაღწევენ, ნომრების გაცვლას ცდილობენ — მამაკაცი მხოლოდ იმას ასწრებს, რომ ლატარიის ბილეთზე მონიშნოს თავისი ნომერი და მატარებლის ფანჯრიდან გადააგდოს.

გარდა იმისა, რომ რეკლამა სიყვარულის დაწყების ამბავს მოგვითხრობს, ბილეთი მომგებიანიც აღმოჩნდა. როდესაც ქალი სადგურზე ბრუნდება, შემთხვევით კვლავ პოულობენ ერთმანეთს. სიტყვები „ჩვენ მოვიგეთ“ კი მიანიშნებს როგორც მილიონობით დოლარის მოგებაზე, ისე ერთმანეთის პოვნის სიხარულზე.

„ეს კამპანია იმედისა და შესაძლებლობების გრძნობას უკავშირდება, რომელსაც ყველა განვიცდით საშობაოდ“, — ამბობს Camelot-ის აღმასრულებელი დირექტორი, მეტ რიდსდეილი.

BTU-ს IOS LAB-ში საბავშვო კოდინგის პროგრამა დაიწყო

ასტრონომებმა სამყაროს ახალი ინტერაქციული რუკა შექმნეს