Cookie ფაილების გაუქმება, გაზრდილი რეგულაცია და სხვა ცვლილებები სარეკლამო ინდუსტრიის შეფერხებას იწვევს. თუმცა ამ ინდუსტრიის წარმომადგენლებიდან ზოგიერთი ფიქრობს, რომ ეს, პირიქით, შესანიშნავ შესაძლებლობას სთავაზობს მათ, გადახედონ მონაცემთა კონფიდენციალურობასა და ააგონ უკეთესი ეკოსისტემა. ეს შესაძლებლობაა ბრენდებისთვის, მედია სააგენტოებისთვის, გამომქვეყნებლებისა და მომხმარებლებისთვის, იპოვონ ახალი გზები, რომლებზეც გაიმარჯვებენ.
მონაცემების დაბალანსება
მონაცემებზე საუბარი Truthset-ის პრეზიდენტმა ჩიპ რუსომ წამოიწყო, რა პროცესშიც Captify-ის, Audigent-ის, Newsweek-ის, PubMatic-ისა და Experian-ის სპიკერებიც იყვნენ ჩართულნი. საუბრობდნენ იმაზე, თუ როგორ უბიძგა სიგნალის დაკარგვამ, ანუ იმ უნარის დაკარგვამ, რომლებიც გვეხმარება გავიგოთ, საიდან მოდიან მომხმარებლები, მარკეტერებს, სააგენტოებსა და პლატფორმებს, მიემართათ პირდაპირ გაყიდვის მხარეზე არსებული არხებისთვის ტოპ აუდიტორიასა და კონტენტზე წვდომისთვის…
როგორც ამბობენ, ქუქი-ფაილები არასდროს ყოფილა შექმნილი გრძელვადიანი პერსპექტივისთვის და ჩვენ ახლა ბევრად უკეთესი გზა გვაქვს მიზნობრიობისა თუ ატრიბუციისთვის, რაც ალტერნატიულ იდენტიფიკატორებსა და სიგნალებსაც მოიცავს დამატებითი ღირებულებისთვის.
„დღეს არსებული მონაცემთა ნაკრების მოდელირება წარმოუდგენელია, როცა ალბათურ და განსაზღვრული აუდიტორიის მონაცემებზე ვსაუბრობთ. გვწამს, რომ ეს მედია კომპანიისთვის იმაზე მეტ ეფექტურობას ნიშნავს, ვიდრე დღევანდელი არაალბათური მონაცემები“.
დისკუსიაში ჩართული პირები შეთანხმდნენ, რომ მომავალი ალბათური და არაალბათური მონაცემების დაბალანსებას ეხება. ასევე, ისაუბრეს ხელოვნური ინტელექტის შესაძლებლობებზე, როგორც ხელსაწყოზე, რათა დაიცვან მონაცემთა უსაფრთხოება და თავი აარიდონ იმ ძველ მიდგომებს, რომლებიც მარკეტერებს ამძიმებდათ.
იდენტობის მომავალი
სიგნალის დაკარგვიდან იდენტურობამდე, IAB-ის აღმასრულებელი დირექტორის დევიდ კოენის ხელმძღვანელობით გამართულ დისკუსიაში Experian, MiQ, Cint, Digital Direct Holding და Tatari გაერთიანდნენ, რათა გამოეკვლიათ ის კრიტიკული საკითხები, რომელთა წინაშეც მონაცემებზე ორიენტირებული სარეკლამო ინდუსტრია დგას.
დაწყებული კონფიდენციალურობაზე ორიენტირებული გადაწყვეტილებებით, გაგრძელებული კონფიდენციალურობის რეგულაციებითა და მომხმარებელთა ცვალებადი დამოკიდებულებებით მანქანური სწავლების მიერ პერსონალური მონაცემების გამოყენების მიმართ, პროგრამირებადი რეკლამის ყიდვა ბევრად დამაბნეველი, კომპლექსური და ქაოსური გახდა.
ეს უკანასკნელი ზრდას განაგრძობს და ჯერ კიდევ მრავალი რამაა გასაკეთებელი ფუნდამენტური იდენტობის თვალსაზრისით. რადგანაც ახალმა გადაწყვეტილებებმაც იჩინა თავი, ბევრს მოუწევს ახალი ვალუტის განსაზღვრა ტრანზაქციისთვის, რადგან ინდუსტრია ცვლილებებთან ადაპტაციას განაგრძობს.
რაც შეეხება იმ საკითხს, თუ საით მიემართება საიდენტიფიკაციო სივრცე, პანელისტების თქმით, აქ დიდი ნახტომი იქნება საჭირო, რის საშუალებასაც ავტომატიზაცია და ხელოვნური ინტელექტი მოგვცემს.
სტრიმინგი მთავარ როლს იკავებს
ამ საკითხზე კრის ფეომ, Experian-ის ვიცე-პრეზიდენტმა დისკუსია AMC Networks-სთან, OMG-სთან, Disney-სთან, Paramount-სა და Roku-სთან ერთად წამოიწყო. მათ ერთად გამოიკვლიეს იმ შესაძლებლობათა დიდი ნაწილი, რომლებიც დინამიკური და განვითარებადი ინდუსტრიის მიღმა იმალება.
ტელევიზია რეალური შესრულების არხი ხდება, რომელიც საუკეთესოდ ესადაგება ციფრულს. რეკლამის განმთავსებლებისა და სააგენტოების მეტი განათლება ხდება საჭირო, რათა არსებული პარადიგმები დააკმაყოფილონ. ეს იმას ნიშნავს, რომ ატრიბუციაზე, ზრდასა და იდენტურობაზე მეტი უნდა იმუშაონ, რათა უზრუნველყონ, რომ ინდუსტრია იმ KPI-ებს მოგვცემს, რომლებიც მარკეტერებს სურთ.
მთლიანობაში, იმის განსაზღვრა დაგჭირდებათ, თუ როგორ გამოიყენოთ მიზნობრივი შესაძლებლობები, რათა აუდიტორია მრავალ სფეროში მოიზიდოთ. ექსპერტთა თქმით, პროგრამულად ერთიანი აუდიტორიის შეძენის უმარტივესი გზა გვაქვს, მაგრამ ეს მოითხოვს ინდუსტრიას, რათა არაპროგნოზირებადი რაღაცები რეკლამის განმთავსებლებისთვის მაქსიმალურად პროგნოზირებადი გახდეს ისეთი პროდუქტების შექმნით, რომლებიც საკითხებს ამარტივებს და ფრაგმენტაციასაც გვარიდებს თავიდან.
მარკეტერების ხელსაწყოების გამოყენება წარმატებისთვის
კავშირის დაკარგვას ფოკუსი პირველი მხარის მონაცემებისკენ გადაჰყავს და აშკარაა, რომ ქცევითი და ციფრული იდენტობა ფუნდამენტურ აქტივებად დარჩება ყველა მარკეტერის ხელსაწყოთა ნაკრებში. სიგნალებისა და კომბინირებული აქტივების ნაზავი კი გასაღებია მეტად სიღრმისეული, მდიდრული და მასშტაბური ინსაითების გასახსნელად, რათა კრეატიულობა მომხმარებელთა მთლიან გამოცდილებაში ჩავნერგოთ.
აქ გვირჩიეს, რომ მომხმარებლებთან ტრანზაქციებზე მეტი კავშირი უნდა დავამყაროთ… როგორც შეაჯამეს: „ეს ის მომენტია, რომელიც ხელმძღვანელობის პირებთან დისკუსიების წარმართვის საშუალებას გაძლევთ იმის შესახებ, თუ რას აკეთებთ პირველი მხარის მონაცემებით. ეს კრიტიკულად მნიშვნელოვანი საკითხია და დრო, რომ ჩამოვაყალიბოთ ჭკვიანური პარტნიორობები მსოფლიოს იმ საუკეთესო კომპანიებთან, რომლებსაც დახმარება შეუძლია. დროა, გავერთიანდეთ, ვფოკუსირდეთ ამ საკითხზე და გავაკეთოთ ჭკვიანური არჩევანი“.
