ევროკავშირის მხარდაჭერით CENN, საერთაშორისო ორგაზიაცია ICLEI Europe-თან ერთად, იწვევს კახეთის რეგიონსა და აჭარის ა/რ-ში მომუშავე ბიზნესებს, ინდუსტრიული სიმბიოზის ქსელში გასაწევრიანებლად. ქსელის წევრ კომპანიებს საქმიანობის სპეციფიკიდან გამომდინარე, ექნებათ შემდეგი შესაძლებლობები:
- მონაწილეობა გაცვლით პროგრამებში საქართველოში და ქვეყნის ფარგლებს გარეთ;
- საპილოტე პროექტების დაფინანსების შესაძლებლობა, რომელთა ჯამური ბიუჯეტია 500,000 ლარი;
- კონსულტაციები ადგილობრივ და საერთაშორისო ექსპერტებთან ნარჩენების შემცირების, ხელახალი გამოყენებისა და გადამუშავების ინოვაციური გადაწყვეტილებებისთვის;
- მონაწილეობა ყოველწლიურ ბიზნესსამიტებში, B2B და matchmaking შეხვედრებში და პარტნიორობის ჩამოყალიბება პოტენციურ პარტნიორებთან, კლიენტებთან და ინვესტორებთან;
- კომპანიის წარმოჩენა სოციალურ/ონლაინმედიაში, სატელევიზიო გადაცემებში, რადიოში და ა.შ.
ვის შეუძლია გაწევრიანება:
- ჰორეკა სექტორი;
- საცალო/ საბითუმო ვაჭრობა;
- მწარმოებლები;
- ნარჩენების გადამამუშავებლები და ა.შ.
რომელი ნარჩენების ნაკადებია სამიზნე:
- ბიოდეგრადირებადი;
- შეფუთვა;
- სამშენებლო და ნგრევის ნარჩენები.
ინდუსტრიული სიმბიოზი არის ევროკავშირში დანერგილი მიდგომა, რომელიც ეხმარება კომპანიებს ბიზნესპროცესების ოპტიმიზაციაში და უფრო მდგრადი და მეტი სარგებლის მომტანი მიდგომების დანერგვაში.
ცირკულარული მიდგომა = უფრო გონივრულ და მომგებიან ბიზნესს.
შეავსე განაცხადი და შექმნენი უფრო მდგრადი მომავალი.
რეგისტრაციის ბოლო ვადა: 11 აპრილი, 2025 18.00 სთ.
ინდუსტრიული სიმბიოზის ქსელი ევროკავშირის ფინანსური მხარდაჭერით მიმდინარე პროექტის – „ცირკულარული ქალაქები და რეგიონები საქართველოში“ ნაწილია, რომელსაც ახორციელებს CENN, ICLEI Europe-თან თანამშრომლობით. პროექტის მიზანია საქართველოში კლიმატ-მედეგობის გაძლიერება და სამართლიანი გარდაქმნის პროცესის მხარდაჭერა ნარჩენების შემცირებისა და ცირკულარული ეკონომიკის დაგეგმვისა და განხორციელების ხელშეწყობის გზით.
[პარტნიორის კონტენტი]
