in

OpenAI ChatGPT-ის პრემიუმ ვერსიის ამოქმედებას იწყებს

veon
veon

OpenAI-მ განაცხადა, რომ მალე ChatGPT-ის პრემიუმ ვერსიას აამოქმედებს, რადგან სწორედ ასე შეძლებენ AI ჩეთბოტის განვითარებას. ეს კი ძალიან მნიშვნელოვანია ისეთი პლატფორმისთვის, რომელსაც ესეების, ელ.წერილების, მოთხრობებისა და კომპიუტერული კოდის წერაც კი შეუძლია.

გავრცელებული ინფორმაციით, ChatGPT-ის მონეტიზებულ ვერსიას, სავარაუდოდ, ChatGPT Professional დაერქმევა და მის მიერ მოწოდებული ტექსტები ამჟამინდელს მინიმუმ 2-ჯერ აღემატება. უბრალოდ, ამ დროისათვის პროგრამა ექსპერიმენტულ ეტაპზეა და ფართოდ ხელმისაწვდომი არ იქნება — სანაცვლოდ, მხოლოდ ლიმიტირებულ ჯგუფს შეეძლება მისი გატესტვა.

მიუხედავად დაპირისპირებისა და რამდენიმე აკრძალვისა, ChatGPT-ის უამრავი მომხმარებელი ჰყავს და მედიის ყურადღებაც აქტიურად მიიპყრო. როგორც ჩანს, აქ მხოლოდ მასზე წერა არ იგულისხმება, არამედ „მისი დახმარებით წერაც“. ეს უკანასკნელი შენიშვნა ნიუ-იორკში საკმაოდ ცნობილ ტექ.მედიას, CNET-ს, ეხება — რამდენიმე დღის წინ ცნობილი გახდა, რომ 73 სტატია, ჟურნალისტის ნაცვლად, სწორედ ხელოვნური ინტელექტის პროგრამამ დაწერა. ამას ემატება ისიც, რომ რაიან რეინოლდსმა Mint Mobile-ის რეკლამისთვის ChatGPT-ის დააწერინა სცენარი.

ჯერ კიდევ დეკემბრის დასაწყისისთვის ChatGPT-ის მილიონზე მეტი მომხმარებელი ჰყავდა, რაც ყოველდღიურად იზრდება. უბრალოდ, OpenAI-ის თანადამფუძნებლისა და აღმასრულებელი დირექტორის, სემ ალტმანის თქმით, საოპერაციო ხარჯები იწურება და ამიტომაც გახდა საჭირო პრემიუმ ვერსიის შემუშავება.

აქვე ისიც უნდა აღინიშნოს, რომ Semafor-ის ინფორმაციით, მაიკროსოფტს სურს, OpenAI-ის 49%-იანი წილი შეისყიდოს, რაც დაახლოებით 29 მილიარდი დოლარის ტოლფასია. გარიგების თანახმად, მაიკროსოფტი მოგების სამ მეოთხედს მიიღებს, სანამ OpenAI ინვესტიციას აღადგენს.

მონაცემებზე დაფუძნებული კონტენტის შექმნა უკეთესი ისტორიების მოსაყოლად

როგორ დავდოთ Android აპლიკაცია Google Play Store-ზე