in

მუსიკალური დირექტორი – ახალი პოზიცია საკომუნიკაციო სფეროში

ამ დრომდე, CMO მარკეტინგის დირექტორის აღმნიშვნელი იყო (Chief Marketing Officer), თუმცა ბოლო დროს ამავე აბრევიატურით ახალი პოზიცია Chief Music Officer გამოჩნდა. 2020 წელს, R&B მუსიკოსი ჯონ ლეჯენდი Headspace-ის მუსიკალურ დირექტორად დაინიშნა. წელს, იგივე პოზიცია დაიკავა DJ Steve Aoki-მ ბრენდ Orangetheory-ში. რა განაპირობებს ასეთ ძვრებს? მარკეტერები ხშირად უფრო მეტ მნიშვნელობას ანიჭებენ ვიზუალურ კონტენტს, ვიდრე ხმოვან კომუნიკაციებს. მაგრამ მათ, ვისაც ესმით, რომ მუსიკასა და ხმას შეუძლია ყველა განსხვავება შეიტანოს.

შესაძლოა, ეს უბრალო ტენდენციად მიგაჩნიათ, თუმცა ბევრი მის აუცილებლობას ხედავს. ჟღერადობა, ბრენდების მიერ ძალიან დიდი ხნის განმავლობაში არასაკმარისად გამოყენებული აქტივია. Ipsos-ის 2020 წელს ჩატარებულმა კვლევამ აჩვენა, რომ რეკლამები, რომლებსაც საინტერესო მუსიკალური ფონი აქვთ, რვაჯერ უფრო პოპულარულია და ყველაზე ეფექტური აქტივია, ბრენდის გარშემო ყურადღების მისაქცევად. ის სჯობნის ყველა ვიზუალურ აქტივს და ცნობილი ადამიანების რეკომენდაციასაც კი.

გასაკვირი არ არის, რომ მუსიკაზე ორიენტირებული ბრენდები, როგორიცაა Headspace და Orangetheory, უპირატესობას ანიჭებენ ხმას სტრატეგიულ დონეზე და ამატებენ მუსიკალური დირექტორის პოზიციას თავიანთ გუნდში. დღესდღეობით, ბევრ ბრენდს აქვს ციფრული სივრცე, როგორც ძირითადი საკომუნიკაციო არხი, სადაც მხოლოდ ორი გრძნობა აქვთ გამოსაყენებელი: სმენა და ხედვა. თუმცა, თუ არ იყენებთ აუდიო კონტენტს, დაკარგავთ თქვენი კომუნიკაციის გამტარუნარიანობის 50%-ს. აუდიო კონტენტში ინვესტირება ისეთივე მნიშვნელოვანია, როგორც ვიზუალურში.

უნდა განახორციელონ თუ არა ბრენდებმა მეტი ინვესტიცია მუსიკაში? გარდა იმისა, რომ მუსიკალური დირექტორის პოზიციის შექმნა საინტერესო სიახლეა, რამდენად მოსალოდნელია, რომ ბრენდებმა უფრო მეტი რესურსი მიმართონ აუდიო კონტენტის შექმნისკენ? 100%. შეხების წერტილები მნიშვნელოვნადაა შეცვლილი: სააზროვნო აპლიკაციები, სტრიმინგ-პლატფორმები, ჭკვიანი სპიკერები… მთავარია, გყავდეს ადამიანი, რომელსაც ესმის, თუ როგორ მუშაობს მუსიკა და ხმა და როგორ შეუძლია გაზარდოს ამ გზით ბრენდის ცნობადობა მომხმარებლებში. იგივეა ტაქტიკა არმუსიკალური ბრენდების შემთხვევაშიც. ამ გზას მიმართა PepsiCo-მ, რომელმაც Shakermaker-თან ერთად წამოიწყო მუსიკაზე ორიენტირებული პროექტი.

მნიშვნელოვანია გქონდეთ გლობალური ხედვა, რათა შექმნათ აუდიო სტრატეგია ბრენდისთვის. მარკეტინგის მენეჯერებმა იციან თავიანთი ბრენდები და სტრატეგია, თუმცა მათ ასევე აქვთ საკუთარი გემოვნება. თუმცა ხშირად ემოციების აღქმისთვის ბრენდისგან დისტანცირება სჭირდებათ.

თუ ბრენდები არასრული ან ბუნდოვანი მუსიკის საშუალებით დაიწყებენ პოზიციონირებას, ისინი მნიშვნელოვნად გარისკავენ, გლობალური თვალსაზრისით. კომპანიას სჭირდება მუსიკალური იდენტობა. ამაში კი პროდიუსერული გუნდების ჩართულობაა საჭირო. ეს გაზრდის ბრენდის ცნობადობად ციფრულ არხებზე და მსოფლიო მასშტაბით გაფართოების საშუალებას მისცემს.

ეუძლია ორ CMO-ს (მარკეტინგის დირექტორსა და მუსიკალურ დირექტორს) ერთად მუშაობა? აკრონიმის იდენტურობა დაბნეულობას ქმნის, თუმცა, აქ მთავარი ურთიერთთანამშრომლობაა, რაც აუცილებელია ეფექტიანობის მისაღწევად. შესაძლოა, ჯონ ლეჯენდმა ზედმიწევნით კარგად არ იცის მარკეტინგი, თუმცა ფაქტი, რომ მან მილიონობით ალბომი გაყიდა, მუსიკალური დირექტორისათვის სასურველ კანდიდატად აქცევს. მარკეტინგის გამოცდილება ყოველთვის სასურველია, თუმცა ეს არ არის მთავარი კრიტერიუმი მუსიკალური დირექტორის შერჩევისას.

თუ ხმის, მუსიკის, ვიზუალური და გრაფიკული ელემენტები განვითარებულია, ეს ბრენდის სასარგებლოდ იმუშავებს. ბრენდინგის გადაწყვეტილებები უნდა ეხებოდეს ბრენდის მენეჯერებს, რომლებსაც შეუძლიათ ხელი შეუწყონ შემოქმედებით ხედვას და ამავდროულად, ყოველთვის პირველ ადგილზე აყენებენ ბრენდის საჭიროებებს.

 

წყარო: campaignasia

რატომ არ უნდა უწოდონ ბრენდებმა ყველას მომხმარებელი?

შესაძლოა, დღის სინათლე ჩვენს ტვინში ცვლილებებს იწვევდეს — კვლევა