Chivas Regal ყოველთვის ირჩევს ადამიანებს, რომელთა ისტორიაც წარმატებაზე დგას და სხვებისთვისაც შთამაგონებელია. ის მიჰყვება გზებს, რომლებიც შრომით და ღირებულებებზე დაყრდნობით შენდება. სწორედ ამიტომ, ბრენდის კოლაბორაციები წარმატებულ ადამიანებთან მხოლოდ პარტნიორობა არ არის – ეს არის საერთო ფილოსოფიის გაგრძელება, სადაც მიღწეული შედეგი პიროვნების შესახებ თავად გვიამბობს. ამ კონცეფციის ლოგიკური გაგრძელებაა Chivas Regal x Arveladze Brothers, კამპანია, რომელიც სულ ახლახან ჩაეშვა და უკვე ბევრი გულშემატკივარი ჰყავს.
ძმობისა და წარმატების ისტორია
ისევე როგორც არველაძეების, Chivas Regal-ის ისტორიაც ძმობით იწყება. ჯეიმს და ჯონ ჩივასებს მე-19 საუკუნეში წარმატების თავისებური ხედვა ჰქონდათ და ეს ხედვა იმდენად ემთხვეოდა, რომ მათ ერთად გაიკვლიეს გზა, იმუშავეს, შექმნეს, გამოუშვეს და ბოლოს წარმატებულ პროდუქტად აქციეს თავიანთი სახელობის შერეული ვისკი, რომელიც ძალიან პოპულარულია და მსოფლიო ვისკის მოყვარულების გულში დიდი ადგილი უკავია.
ძმების, აჩი და შოთი არველაძეების წარმატებაც ჰგავს ამ ისტორიას. ქართულმა სპორტმა ისინი ერთსა და იმავე დროს გაიცნო, მიიღო და შეიყვარა. შესაბამისად, ეს ბმა – ძმობასა და წარმატებისკენ სწრაფვას შორის, სრულიად ბუნებრივია და კითხვებიც თითქმის არ ჩნდება: რატომ Chivas Regal x Arveladze Brothers?
Chivas-მა ჯერ პრეკამპანიით დაიწყო, რომელიც ციფრულ არხებში გამოჩნდა მინიშნებების სახით და მაყურებელი შეამზადა იმისთვის, რომ ბრენდი განსაკუთრებულ კოლაბორაციას ამზადებდა.
სპეციალურად კამპანიისთვის შექმნილი გაზეთი
ვიდეოკამპანიის გარდა, Chivas-მა იდეა ხილული და ხელშესახები გახადა. Chivas Regal 12YO შეძენისას მომხმარებლებს შესაძლებლობა აქვთ, ლიმიტირებული გაზეთი მიიღონ საჩუქრად, რომელზეც არველაძეების ავტოგრაფია მოცემული. ეს გაზეთი პრეკამპანიის ფარგლებში აქტიურად გამოიყენებოდა და მხოლოდ 100 ეგზემპლარი დაიბეჭდა. დღეისათვის ხელმისაწვდომი მხოლოდ „ალკორიუმის” სამ ფილიალშია.
ეს არის დეტალი, რომელიც ისტორიას მატერიალურ ფორმას აძლევს და კოლაბორაციას კიდევ უფრო გამორჩეულს ხდის.
[R]
