გერმანელ ასტრონომთა კონსორციუმმა გამოაქვეყნა ცის დეტალური რუკა, რომელიც 710 000-ზე მეტ სუპერმასიურ შავ ხვრელს შორეულ გალაქტიკებში, 900 000-ზე მეტ ვარსკვლავს და 12 000 გალაქტიკის გროვას მოიცავს. თითოეული მონაცემის შესაგროვებლად eRosita-ს ტელესკოპი გამოიყენეს — მას სულ რაღაც ექვსი თვე დასჭირდა ასეთი არაჩვეულებრივი შედეგების მისაღებად, რაც ტექნოლოგიურ სიმძლავრეზე მიუთითებს.
აღნიშნული ტელესკოპი 2019 წელს გაუშვეს Spectrum-RG თანამგზავრის მეშვეობით. „ექვს თვეში უფრო მეტ წყაროს მივაკვლიეთ, ვიდრე დიდი ფლაგმანური მისიების დროს თითქმის 25 წლის განმავლობაში“, — ამბობს ანდრეა მერლონი, eROSITA-ს მთავარი მკვლევარი.
მონაცემების საფუძველზე შექმნილი რუკა უდიდესია, რაც კი ოდესმე გამოქვეყნებულა სამეცნიერო სფეროში. ეს არის „გადაშლილი სამყარო“, რომელშიც აქამდე უხილავი გალაქტიკები, ვარსკვლავები და სხვა ციური სხეულებია წარმოდგენილი.
