ლუდის ცხელი სეზონის ცივ-ცივი გახსნა — ლივინგსტონის ახალი რეკლამა

ალბათ, ყველა სამეგობროში მოიძებნება ადამიანი, რომელიც გამუდმებით „პროფესორობს“ და საბოლოოდ ყოველთვის მცდარ აზრებს გვახვევს თავს… ანუ, ისეთი ადამიანი, როგორსაც ლივინგსტონის მიერ ცივ-ცივისთვის ახლად შექმნილ რეკლამაში ვხედავთ. სიუჟეტის დაწყების პირველივე წამიდან მისგან არასწორ პროგნოზებს ვისმენთ — კარგი ამინდის ნაცვლად ქარიშხალი, „ქორწილამდე მორჩენის“ ნაცვლად საკუთარ ქორწილში სრულად გიფსში ყოფნა და ა. შ.

რეკლამის ბოლო წამებში კი იგი კვლავ დარწმუნებით გამოთქვამს აზრს, რომ კარგი ლუდი ორ-სამ კვირაში მაინც გაფუჭდება… მაგრამ რეკლამის პათოსს თუ დავუჯერებთ, ამჯერადაც შეუძლებელია, პერსონაჟის წინასწარმეტყველება ახდეს.