როგორც 2022 წლის მუნდიალის ოფიციალურ სპონსორს, Coca-Cola Company-ს დაევალა, გამარჯვებული გუნდისთვის ჯილდოების სერია შეემუშავებინა. ამ შემთხვევაში მთავარი მიზანი ხალხისთვის „თასის“ შექმნა იყო, როგორც სურვილის ობიექტის, რომლის მიღებაც მხოლოდ ჩემპიონებს შეუძლიათ.
ამ წარმატების განცდას Coca-Cola ახალი შეფუთვით გამოხატავს — ლამაზი, ოქროსფერი და მბზინავი ქილა. ასევე, მდიდრული სასმლის შეფუთვაზე ამოტვიფრულია მსოფლიო ჩემპიონატის თასის გამოსახულება და წარწერა “2022 FIFA World Cup Champions”.
„სახალხო თასი“ მოიცავს როგორც კლასიკურ, ისე ნულოვანი შაქრის ვარიაციებს. „ის არა მხოლოდ ყველას აძლევს ჩემპიონობის განცდის საშუალებას, არამედ სავსეა ყველა იმ მომენტით, როდესაც ჯადოსნურობის რწმენა რეალობად იქცა“, — აცხადებს ბრენდი.
P.S. თუ უკვე დაიწყეთ იმის გარკვევა, სად შეგიძლიათ ახალი ქილის ყიდვა, იმედს გაგიცრუებთ და გეტყვით, რომ ის მხოლოდ არგენტინაში გამოვა.
