16
Jun
2017

ტურიზმისა და მასპინძლობის მეორე კონფერენცია Welcome to Georgia! ტურიზმის ეროვნული დაჯილდოების ფარგლებში

16 Jun 2017

14 ივნისს საგამოფენო ცენტრ ექსპო ჯორჯიას მე-3 პავილიონში გაიმართა ტურიზმისა და მასპინძლობის მეორე კონფერენცია Welcome to Georgia! ტურიზმის ეროვნული დაჯილდოების ფარგლებში. კონფერენცია ჩატარდა საქართველოს ტურიზმის ეროვნული ადმინისტრაციის თანაორგანიზებით, ეკონომიკისა და მდგრადი განვითარების სამინისტროსა და თბილისის მერიის მხარდაჭერით.

კონფერენცია გაიხსნა პრესკონფერენციით რომელსაც ესწრებოდა Welcome to Georgia! ტურიზმის ეროვნული დაჯილდეობის თანადამფუძნებელი – მარინა ჩაიკა; ტურიზმის ეროვნული ადმინისტრაციის ხელმძღვანელი – გიორგი ჩოგოვაძე; თბილისის მერის მოადგილე – ირაკლი ლექვინაძე; პროექტის დამოუკიდებელი აუდიტორი, ბიდიო საქართველოს პარტნიორი – ივანე ჟუჟუნაშვილი და საქართველოს ბანკის მცირე და საშუალო ბიზნესის დეპარტამენტის დირექტორის მოადგილე – გიორგი არველაძე, მათ ისაუბრეს ტურიზმისა და მასპინძლობის ინდუსტრიის განვითარების შესახებ საქართველოში და პროექტის მნიშვნელობაზე.

განახლებული ინფორმაციით, კერძოდ, 2017 წლის იანვარი-მაისის მონაცემებით, საქართველოს 2 329 677 საერთაშორისო მოგზაური ეწვია, ზრდა წინა წლის ანალოგიურ პერიოდთან შედარებით +9.7%-ია.

მოთხოვნის ზრდასთან ერთად საქართველოში  შესაბამისი სფეროებიც იზრდება. კერძოდ, გასული ორი  წლის განმავლობაში ექსპლუატაციაში შევიდა 170-ზე მეტი ახალი სასტუმრო (3 223-ით მეტი საწოლი ადგილით).  აღსანიშნავია, რომ 2017-2019 წლებში გაიხსნება 160-ზე მეტი ობიექტი, 18 000-ზე მეტი საწოლი ადგილით.

პრესკონფერენციის შემდეგ მოწვეულ სტუმრებს შესაძლებლობა ჰქონდათ მოესმინათ ტურიზმის სფეროს წარმომადგენლების პრეზენტაციები, გაცნობოდნენ ამ სფეროში მიმდინარე სიახლეებს.

პროექტის ორგანიზატორებმა კი დამსწრე საზოგადოებას გააცნეს პროექტის მიმდინარე სიახლეები, წარუდგინეს განახლებული ჟიურის საბჭო, განახლებული ნომინაციები და ოფიციალურად გახსნილად გამოაცხადეს რეგისტრაცია 2017 წლის ნომინანტებისთვის.

14 ივნისიდან 20 სექტემბრის ჩათვლით ტურიზმისა და მასპინძლობის ინდუსტრიის ყველა წარმომადგენელს საქართველოს ყველა რეგიონიდან შეუძლია დარეგისტრირდეს დაჯილდოების ოფიციალურ ვებ-გვერდზე (www.awards-tourism.com), აირჩიოს მაქსიმუმ 2 ნომინაცია რომელიც ყველაზე მეტად შეესაბამება მის ბიზნესს და მიიღოს მონაწილეობა Welcome to Georgia!  ტურიზმის ეროვნული დაჯილდოება 2017.

Welcome to Georgia!  ტურიზმის ეროვნული დაჯილდოება 2015 წლიდან ტარდება საქართველოში და მისი მიზანია წაახალისოს ქართული ტურიზმისა და მასპინძლობის ინდუსტრია, ხელი შუწყოს ამ სფეროში მომუშავე კომპანიებისა და ბრენდების ცნობადობის გაზრდას და უკეთ წარმოაჩინოს საქართველო საერთაშორისო ტურისტულ ბაზარზე.

Welcome to Georgia!  ტურიზმის ეროვნული დაჯილდოების 2017 წლის კატეგორიები:

  1. საუკეთესო ბუტიკის ტიპის სასტუმრო
  2. საუკეთესო სტანდარტული ტიპის სასტუმრო
  3. საუკეთესო დელუქს ტიპის სასტუმრო
  4. საუკეთესო სპა და გამაჯანსაღებელი კურორტი
  5. საუკეთესო სამთო-სათხილამურო სასტუმრო
  6. საუკეთესო ზღვისპირა სასტუმრო
  7. საუკეთესო დაბალბიუჯეტიანი სასტუმრო
  8. საუკეთესო MICE ტურიზმი
  9. საუკეთესო ღვინის ტურიზმი
  10. საუკეთესო სათავგადასავლო ტურიზმი
  11. საუკეთესო ტრადიციული ქართული რესტორანი
  12. საუკეთესო ფესტივალი ან ღონისძიება
  13. საუკეთესო მოგზაური ფოტოგრაფი
  14. კონცეპტუალური კაფე/რესტორანი
  15. ტურისტული დანიშნულების საუკეთესო მარკეტინგული კამპანია
  16. საუკეთესო სპეციალიზირებული ტურისტული სერვისი
  17. საუკეთესო ტურისტული საგანმანათლებლო ცენტრი
  18. საუკეთესო საერთაშორისო ქსელის სასტუმრო
  19. წლის ყველაზე სწრაფად მზარდი კომპანია მცირე და საშუალო ბიზნესის მიმართულებით
  20. საუკეთესო ქალი მეწარმე ტურიზმის ინდუსტრიაში

[R]

განხილვა