ყოველი ოლიმპიური სეზონი შანსია, გაგიტაცოთ რომელიმე სპორტმა, რომლის შესახებ ახლახან შეიტყვეთ, იტიროთ უცნობი ადგილიდან ჩამოსული ათლეტის გამარჯვებაზე და აღფრთოვანდეთ მათი პერფორმანსით. დიდი ხანი არ არის (2010-იანი წლებიდან), რაც ოლიმპიადამ შემოიტანა თამაშების ყურება უჩვეულო საათებში ან განმეორებების ნახვა პრაიმ-ტაიმში. საუბრები მეგობრებსა და კოლეგებს შორის, რომლებიც სხვადასხვა რამეს სხვადასხვა დროს უყურებდნენ, შეიცვალა. თუ ადრე ვამბობდით – „უყურე?“, ახლა ვეუბნებით, „ოჰ, აუცილებლად უნდა ნახო, TikTok-ს გამოგიგზავნი“. ის, რაც ერთ დროს საერთო კოლექტიური გამოცდილების მთავარი მომენტი იყო, შეიცვალა და ახლა სტრიმინგის ეპოქაში ვართ. მოდით, გავაანალიზოთ ოლიმპიური მასშტაბის ქცევითი ცვლილება, ყურების კუთხით.
დავემშვიდობეთ, პირდაპირი ეთერის კოლექტიურ გამოცდილებას
როდესაც ადამიანები ერთად უყურებენ სპორტს, ისინი კმაყოფილების უფრო მაღალ დონეს განიცდიან. აღმოჩნდა, რომ ერთად გულშემატკივრობა ხელს უწყობს საერთო იდენტობის შექმნას საზოგადოებაში. ოლიმპიადა ამის მწვერვალია, დრო, როდესაც მთელ ერს შეუძლია ასეთი საერთო გამოცდილების მიღება. ბოლო წლებში კი გაჩნდა ახალი ვარიანტები, რომლებმაც შეუქცევადად შეცვალა ყურების ქცევა.
დღესდღეობით, ყველა ღონისძიება ხელმისაწვდომია – უყურებთ რასაც გინდათ, როდესაც გინდათ. მოქნილობა უდავოდ მოსახერხებელია – თუმცა კოლექტიური გამოცდილების გრძნობის იზოლირებულ მომენტებად დაშლის ფასად.
სოციალური მედიის ნამცეცები
ამას ემატება ჩვენი საყვარელი პლატფორმები, როგორიცაა TikTok და Instagram. ისინი თითქმის მყისიერად ავსებენ ჩვენს ფიდებს მთავარი მომენტებით. ამ პლატფორმებზე ჩვენ ვაწყდებოდით კლიპებს არეული თანმიმდევრობით, რაც არღვევს რეალურ დროში, ერთობლივი ყურების გრძნობას და ხშირად წინასწარ ამხელს შედეგებს.
ღონისძიების დროსა და ონლაინ განხილვებს შორის ინტერვალის შემცირება
ინტერვალი ისეთ გლობალურ ღონისძიებასა და ონლაინ საუბრებს შორის, როგორიც ოლიმპიადაა, გახდა მნიშვნელოვანი მაჩვენებელი თანამედროვე მაყურებლის ქცევების გასაგებად. ერთდღიანი ჩამორჩენა (ოლიმპიადის ადგილმდებარეობის მიხედვით), შემცირდა რამდენიმე წუთამდე. საუბარი თითქმის დაუყოვნებლივ იწყება, ზოგჯერ პიკს აღწევს მანამდე, სანამ ღონისძიება დამთავრდება. ინფორმაციის სწრაფი გავრცელება განაპირობებს სანახაობის გამოცდილების ფრაგმენტაციას, ეს კი ამცირებს კოლექტიური ჩართულობის შეგრძნებას.
რას გვეუბნება ეს ცვლილებები
ეს არ არის მხოლოდ ოლიმპიადის ან მაყურებელთა რაოდენობის შესახებ საუბარი. საკითხი ეხება მარტო გულშემატკივრობას და იმის აღიარებას, რომ საზოგადოების ხელშემწყობი ფაქტორები ქრება. ინდივიდუალიზმისკენ სწრაფვაში, ჩვენ ვხედავთ იმ ადამიანების რაოდენობის ზრდას, რომლებიც მზად არიან იპოვონ თავიანთი ადგილი საზოგადოებაში.
ბრენდებისა და მარკეტერებისთვის ეს ნიშნავს სტრატეგიებს, რომლებიც მოითხოვს ინოვაციურ მიდგომებს რეალურ დროში ურთიერთქმედებების შესაქმნელად.
NBC-მ და Peacock-მა შეძლეს შეექმნათ ინტერაქციული გვერდი TikTok-ზე ამ სოციალური ნამცეცების კურირებისთვის და შთაბეჭდილებებისა და ჩართულობის უფრო მაღალი მაჩვენებლების შესაგროვებლად. გააგრძელეთ ფიქრი, თუ როგორ შეკრიბოთ მომხმარებლები კოლექტივად იმის მიღმა, რაც ხდება კომენტარების განყოფილებაში.
გახდით ონლაინ საზოგადოებების ხელშემწყობები. ჩაუღრმავდით ამბებს, რომლებიც რეზონანსს პოულობს სხვადასხვა სეგმენტში. აქტიურად მოუსმინეთ და წაახალისეთ მათი მუდმივი მხარდაჭერა, ინტერესები და სხვა.
სპორტი კვლავაც ჭკვიანური ინვესტიციაა. ქცევის ცვლილებების მიუხედავად, ცოცხალი სპორტი რჩება კოლექტიური გამოცდილების ერთ-ერთ უკანასკნელ ბასტიონად, რაც საშუალებას აძლევს ინდივიდუალიზებულ, მაგრამ კოლექტიურ საზოგადოებებს გაერთიანდნენ.
წყარო: Adweek
