COVID-19-ის, იგივე კორონავირუსის გავრცელების თავიდან ასაცილებლად, „ევროპაბეთი“ და „პოპმედიის“ სამივე ვებგვერდი – popsport, popmusic, popx – დისტანციურ მუშაობაზე გადადის.
მსოფლიო ჯანდაცვის ორგანიზაციის რეკომენდაციების გათვალისწინებით, „ბეთსონ ჯგუფის“ თანამშრომლები, საქართველოში, სახლიდან იმუშავებენ. ამასთანავე, „ოფლაინ“ კაზინოების მომხმარებელთა დასაცავად, „ევროპაბეთის“ ყველა კაზინოს, სლოტ კლუბსა თუ ტოტალიზატორს დეზინფექცია ჩაუტარდება. ისინი, მომხმარებელთა და თანამშრომელთა დასაცავად, სპეციალური სანიტარული საშუალებებითაც აღიჭურვება.
COVID-19-ის გავრცელების პრევენციისკენ მიმართული ღონისძიებები „ევროპაბეთის“ პასუხისმგებლიანი ბიზნესის პოლიტიკის ნაწილია.
კომპანია 2015 წლიდან შვედური „ბეთსონ ჯგუფის“ წევრია, რომელიც „გემბლინგ“ ინდუსტრიაში უკვე 55 წელია მოღვაწეობს და ოცამდე ბრენდს აერთიანებს. მისი მთავარი ღირებულება მომხმარებლებსა და თანამშრომლებზე ზრუნვაა.
[R]
