31
Jan
2019

როგორ დავიმსახუროთ მომხმარებლების ერთგულება 10 წამში

31 Jan 2019

როგორც გაყიდვების გურუ, ჯეფრი გიტომერი ამბობს, ერთგულ კლიენტს ოქროს ფასი აქვს და ამას მეტაფორულად სულაც არ გულისხმობს. მომხმარებლის ლოიალურობა ნიშნავს ფულს. უფრო სწორად, ძალიან, ძალიან ბევრ ფულს და გეტყვით, რატომაც:

pasha-statiebi
pasha-statiebi
  1. ერთგული მომხმარებელი საიმედო წლიურ შემოსავალს ქმნის;
  2. ერთგულ მომხმარებელს უფრო მეტი ფინანსური სარგებელი მოაქვს;
  3. ერთგული მომხმარებელი, რაც დრო გადის, შენს უფრო მეტ პროდუქტს ყიდულობს;
  4. ერთგული მომხმარებელი, შენ მიერ შეთავაზებულ სიახლეებს, ადვილად იღებს;
  5. ერთგული მომხმარებელი მომატებულ ფასს ტოლერანტულად უდგება;
  6. ერთგული მომხმარებელი შეცდომებს გპატიობს;
  7. ერთგული მომხმარებელი მეგობრებთან რეკომენდაციას გიწევს.

არსებობს მრავალი გზა მომხმარებლებში ლოიალურობის დამსახურებითვის, მაგალითად, მათთვის ინოვაციური პროდუქტის შეთავაზება, მაღალი დონის მომსახურება, დაბალი ფასები, საერთო ღირებულებები…

რა თქმა უნდა, ყველა ზემოჩამოთვლილი მნიშვნელოვანია, თუმცა, ამას ხომ ყველა აკეთებს? რეალურად, ეს, უბრალოდ, დიდ და კონკურენტუნარიან თამაშში ჩართვის ბილეთია. თუ გინდა, კლიენტის გული მოიგო, ამისთვის სულ სხვა რამ არის საჭირო:შენს მომხმარებელს კლიენტები მიუყვანე“. 

დიალოგის დაწყება რაღაც ამდაგვარად შეიძლება:

შენ: ჰეი, ვიცნობ ადამიანს, რომელიც თქვენი სერვისით ისარგებლებდა.
მომხმარებელი: მართლა?! შეგიძლიათ, საკონტაქტო ინფორმაცია მომცეთ?
შენ: უკეთესი ვარიანტი მაქვს, იმეილს გავუგზავნი და CC-ში ჩაგსვამთ.

ამ დიალოგს 10 წამზე ნაკლები სჭირდება და საუბრის ბოლოს, შენ მომხმარებლის თვალში გაყიდვების მენეჯერიდან, პარტნიორად ტრანსფორმირდები. ყველა B2B (Business To Business) პროდუქტი და სერვისი იმ შემთხვევაში არის კლიენტისთვის ღირებული, როცა ეს პროდუქტი მას საკუთარ ბიზნესში წაადგება. კლიენტებთან ამ ფორმით ურთიერთობით, პერსონალურად და უშუალოდ აწვდი იმ ინფორმაციას, რომელიც გინდა, რომ იცოდეს.იყო ასეთი შემთხვევა, როცა ერთ-ერთ კომპანიას რაღაც აერია და კლიენტის ანგარიშები გააუქმა. რა თქმა უნდა, ამან მომხმარებლის უკმაყოფილება გამოიწვია და როდესაც სიტუაციის გამოსასწორებლად, მას მენეჯერი ტელეფონით დაეკონტაქტა, უპასუხა, რომ მეტჯერ აღარ შეეწუხებინათ.

კომპანიას თითოეული ლოიალური მომხმარებლის მნიშვნელობა გააზრებული ჰქონდა, ამიტომაც, კლიენტს მენეჯერმა ასეთი რაღაც მისწერა:

სიმართლე გითხრათ, მე ორი მიზეზით გიკავშირდებით. პირველი არის პრობლემა, რომლის მოგვარებაც გვინდა, რაც შეეხება მეორეს, ის თქვენს ბიზნესს უკავშირდება. სანამ თქვენზე ინფორმაციას ვიძიებდი, აღმოვაჩინე, რომ ჩვენი ყოფილი კლიენტი მოხარული იქნებოდა, თქვენი სერვისებით ესარგებლა. მინდა, ერთმანეთს შეგახვედროთ, თუ რა თქმა უნდა, თქვენთვის ეს წინადადება მისაღები იქნება.

და ბუმ! მენეჯერის ნაბიჯმა გაამართლა, კომუნიკაცია ბევრად უფრო პოზიტიური გახდა – უკმაყოფილო მომხმარებელს უკვე, სულ ცოტა, მენეჯერთან საუბარი სურდა, ეს კი ცუდი დასაწყისი ნამდვილად არ იყო.

თუ კრიზისულ სიტუაციებში ეს ხერხი ეფექტურად მუშაობს, წარმოიდგინე, რამდენად ძლიერმოქმედი იქნება ეს ტექნიკა ისედაც ლოიალური მომხმარებლისთვის…


განხილვა