იქიდან გამომდინარე, რომ გარემოს დაბინძურების პრობლემა არათუ უკეთესობისკენ, არამედ პირიქით, უარესობისკენ მიდის. სხვადასხვა კომპანიები ძალისხმევას არ იშურებენ საზოგადოების გამოსაფხიზლებლად. ბრძოლაში ორგანიზაცია Fudena-ც ჩაერთო და სააგენტო JWT-სთან ერთად, პრინტ კამპანიაც შექმნა. პოსტერებზე ის მწარე რეალობაა ასახული, რაც, არც მეტი, არც ნაკლები, ადამიანის წინდაუხედაობისა და უპასუხისმგებლობის შედეგია. ბუნებაში დაყრილი ნაგვისა და ნარჩენების რაოდენობა უკვე იმდენად კატასტროფულია, რომ გარემოში, ფაქტობრივად, ცხოველების ადგილი, მათთვის სასიცოცხლოდ აუცილებელი პირობებიც კი აღარ რჩება.
