სოციალურ ქსელში უკვე რამდენიმე დღეა გაჩნდა საინტერესო ფოტოები მოწოდებებით: “დაამსხვრიე სტერეოტპიები,” “ცვლილებების დროა.” ფოტოპროექტი ოლიმპიადა “შერლოკის” ბრენდის ახალი პროექტის პრეკამპანიის ნაწილია: 14 ივნისს შერლოკი თავისუფალ სტუდენტურ ოლიმპიადას ჩაატარებს. გამარჯვებულებს კი განსხვავებული პრიზები ელით: EYP საერთაშორისო ფორუმში მონაწილეობა; სწავლის დაფინანსება; AIESEC-ის 6 კვირიანი პროგრამა ევროპაში. ოლიმპიადა გააერთიანებს შემდეგ საკითხებს: პიროვნება და საზოგადოება, სამოქალაქო განათლება, ადამიანის უფლებები, კონსტიტუცია, გარემო და გენდერული პოლიტიკა.
“შენ ხარ ლიდერი, შენ შეგიძლია შეცვალო, სცადე და დარწმუნდი!” – ფოტოპროექტის მონაწილეები მოუწოდებენ ახალგაზრდებს იყვნენ ლიდერები, არ შეუშინდნენ დეგრადირებულ სტერეოტიპებს და გაათავისუფლდნენ სტიგმისგან.
შეირჩა 13! სტერეოტიპი, რომელიც გვაშორებს ევროპას:
- „37 მანეთად გადავფრინდებოდი“
- „როგორც მამას უნდა“
- „ნაგვის ურნა შორსაა“
- „ეკუთვნოდა და ამიტომ“
- „ამას პატრონი რომ ჰყოლოდა“
- „ხალხი რას იტყვის“
- „მაგარი კაცია – 12 ლიტრი ჩასდის“
- „მე რა მინდა არჩევნებზე?!“
- „კაცია და ეპატიება“
- „ზანგი ხომ არ ვარ?!“
- „ინვალიდია – რისი გამკეთებელია?!“
- „ქალი კუხნიაში“
- „ავად არის – სად აიკიდა?!
ნებისმიერი მსურველი ირჩევს ერთ სტერეოტიპს, რომელიც ყველაზე მეტად დეგრადირებულად ეჩვენება: წერს რიგით ნომერს, სახელს იღებს ფოტოს და იწვევს მეგობარს. 14 ივნისისთვის კი გამოვლინდება ყველაზე „შემაწუხებელი“ სტერეოტიპი.
