#დასრულდეს – თეთრი ხმაურის მოძრაობის კამპანიაა, რომლის ფარგლებშიც, ხალხის აზრის გაერთიანებისა და მოქალაქეობრივი პოზიციის დაფიქსირების მიზნით, ორგანიზაცია ახალ პლატფორმას ქმნის და საკომუნიკაციო კამპანიას მართავს. კამპანიის მნიშვნელოვანი ნაწილი ვიდეორგოლების სერიაა, რომლის შექმნაზეც სააგენტო „ვინდფორსი“ რამდენიმე თვის განმავლობაში მუშაობდა, ვებპლატფორმის განხორციელება კი სააგენტო „რედბერის“ ეკუთვნის. კამპანიის ფარგლებში შექმნილ ვიდეორგოლებში, ქართველი მსახიობები სხვადასხვა ექსპერტთან ერთად განიხილავენ იმ ისტორიებს, რომლებიც ნარკოპოლიტიკის გამო რეალურად გადახდათ საქართველოს მოქალაქეებს; განიხილავენ ახალი კანონპროექტის დეტალებსა და ცვლილებებს, რომლებიც მისი შემოღებით მოხდება – ეს ყველაფერი კი ერთად მოიყრის თავს პლატფორმაზე – www.wnm.ge. სხვა ფუნქციებთან ერთად, ვებგვერდის სტუმრები შეძლებენ ნახონ, თუ რამდენი/რომელი პოლიტიკოსები არიან ნარკოპოლიტიკის შეცვლის მომხრეები და რამდენი/რომელი წინააღმდეგი, ასევე, საიტის საშუალებით, მოქალაქეები შეძლებენ, დაუკავშირდნენ და ხმა მიაწვდინონ ორივე მხარის წარმომადგენელ თითოეულ პარლამენტარს.