რეკლამის განმთავსებლები ინვესტირებას აქტიურად დებენ პირველი მხარის მონაცემთა (first-party data) სტრატეგიებში მას შემდეგ, რაც Google-მა მესამე მხარის ქუქი-ფაილის (third-party cookie) აღსასრულის შესახებ გვამცნო.
რეკლამის დამკვეთების მოსაზიდად და ბიუჯეტის დასამტკიცებლად, განმთავსებლებს უფრო მეტი ძალისხმევა სჭირდებათ, ვიდრე უბრალოდ მათი აუდიტორიის შესახებ ინფორმაციის გაზიარებაა. ამის შესახებ Dow Jones-ის შემოსავლების დირექტორი ჯოშ სტინჩკომბი საუბრობს. ის მიმოიხილავს, თუ როგორ ზემოქმედებს საკუთარი მონაცემების ქონა კომპანიის შედეგებზე. ამგვარად ისინი ხედავენ, რას ეძებენ რეკლამის დამკვეთები და როგორ ზემომქდებს ეს პროდუქტებსა და გამოცდილებაზე, რაც აუდიტორიისა და დამკვეთებისთვისაა რელევანტური.
გრძელვადიანი თამაში მონაცემებთან
Dow Jones პირველი მხარის მონაცემებით ათწლეულების მანძილზე მუშაობდა ციფრული გადახდების მიმართულებით The Wall Street Journal-თან. სტინჩკომბის თქმით, Cookie-ს „სიკვდილმა“ გამომცემლობას უბიძგა სრულიად გადაეფასებინა თავისი სტრატეგია, საკუთარი მონაცემების გამოყენებისათვის. ეს საშუალებას იძლევა გვქონდეს წარმოდგენა ჩვენთვის საინტერესო აუდიტორიაზე. მთლიანი პროცესი ნდობაზეა დაფუძნებული. ამან მკითხველების მხრიდან უფრო მეტი ღიაობა განაპირობა. საბოლოო ჯამში კი, ყველაფერი რეკლამის ეფექტიანობასა და ხარისხზე აისახა.
რეკლამის სხვა განმთავსებლების მსგავსად, Dow Jones-იც ელის Cookie-ების ეპოქის დასასრულს. ამ დროის განმავლობაში მნიშვნელოვანია გულწრფელად ჩავხედოთ საკუთარ თავში და სწორი, მიღწევადი მიზნები დავისახოთ.
კომპანიაში მიზნად დაისახეს თავი აერიდებინათ მესამე მხარის მონაცემებისთვის და მისი საჭიროებისგან სრულიად განთავისუფლდნენ. სტინჩკომბის თქმით, გუნდმა გამოიმუშავა ერთგვარი იმუნური სისტემა, მოსალოდნელი ცვლილებების მიმართ და ამან უკეთესი პერფორმანსისკენ უბიძგა. გასულ წელს, Dow Jones-მა ბევრად აქტიურად გამოიყენა უნიფიცირებული მეთოდი მონაცემთა მიმართ, რომელიც ორიენტირებულია ახალი აუდიტორიის შექმნასა და სეგმენტირებაზე. ასევე, ისეთ სარეკლამო ტექნოლოგიებზე, რითაც აუდიტორიას უკეთ დააკავშირებს რეკლამის დამკვეთებთან.
მომხმარებელთა ახალი კლასი
ქუქი-ფაილების არსებობის შეწყვეტამ ახალი კლასის მომხმარებლის ფორმირებას შეუწყო ხელი. ამ კლასის წარმომადგენლები იკავებენ შუალედურ პოზიციას ფასიან და უფასო რეგისტრატორ მომხმარებლებს შორის. რეგისტრაცია სტინჩკომბს მომხმარებელთა მოზიდვისა და მათი ფასიან სერვისებზე გადასვლის ახალ გზად მიაჩნია.
ასეთი ფოკუსის მიზეზი ორი რამ არის. მას შემდეგ, რაც მესამე მხარის მონაცემების მნიშვნელობა შემცირდა, ბევრად გაიზარდა პირველი მხარის მონაცემების საჭიროება. ამდენად, სარეკლამო სივრცეში უპირატესობად მიიჩნევა რეგისტრირებული და იდენტიფიცირებული მომხმარებლების უფრო დიდი რაოდენობა, რის გამოყენებაც თარგეთირებისთვისაა შესაძლებელი.
გამოწერაზე დაფუძნებული მოდელი ბევრად რთულიცაა. თუკი ადრე რეგისტრაციების კედლიდან გამომწერების შეძენაზე მუშაობდნენ, ახლა, სეგმენტირების შესაძლებლობა (ცივ და თბილ კალათებში) უფრო მოქნილ საშუალებას აძლევთ გამომწერების შესაძენად.
First-party მონაცემები და მუდმივი მომხმარებლები
Dow Jones-ის პირველი მხარის მონაცემებზე დაფუძნებული სარეკლამო კამპანიების მთავარი შედეგი მომხმარებელთა განახლების სისწრაფეა. რეკლამის სპეციალისტების 37%, რომლებიც კომპანიის პირველი მხარის მონაცემებს იყენებენ, უფრო დიდი ალბათობით შეინარჩუნებენ გამომწერებს მომცევნო წელს. ამდენად, მთელი ეს პროცესი ბიზნესის ლოიალობაზეა დაფუძნებული, რასაც შემოსავალზეც დიდი გავლენა აქვს.
წყარო: adweek
