in ,

ნახეთ: დედამიწის 4,5-მილიარდიანი ისტორია ერთ ანიმაციაში

დედამიწა 4,5 მილიარდი წლისაა და შეიძლება, ასეთი ასტრონომიული რიცხვის სრულად აღქმა რთული იყოს; მით უმეტეს მაშინ, როცა ბევრი მეცნიერული ტერმინი თუ პროცესი არაერთი ადამიანისთვის ბუნდოვანია. ამიტომაც, YouTube-ის არხმა, სახელწოდებით Kurzgesagt, ანიმაციური ვიდეო გამოაქვეყნა — მასში ვიზუალურადაა აღწერილი, როგორ განვითარდა ყველაფერი ჩვენი პლანეტის პირველი წუთებიდან დღემდე.

BOG
BOG

60-წუთიანი ვიდეოს ყოველი წამი დაახლოებით 1 მილიონი წლის ტოლფასია. იმის ნაცვლად, რომ კადრები მეცნიერული ნარატივით იყოს დატვირთული, ყველაფერი ილუსტრაციულადაა გადმოცემული. აქვე იმასაც ვხედავთ, რამდენად მცირეხნიანია კაცობრიობის ისტორია თავად დედამიწის არსებობის პერიოდთან შედარებით — დინოზავრები დაახლოებით 58 წუთის ნიშნულზე ჩნდებიან, ხოლო ადამიანები — ბოლო მომენტში.

ცოცხალი ფერები და ოპტიმისტური მუსიკა აძლიერებს დეტალურ ანიმაციას, რომელიც ყველაზე მნიშვნელოვან ამბავს მოგვითხრობს… აქ მოცემული თითოეული ნიუანსი რომ არ ყოფილიყო, დღეს უბრალოდ ვერ ვიარსებებდით.

ყველაზე მოთხოვნადი პროფესიები 2023 წლის განმავლობაში — InSource-ის მონაცემები

„ეროვნული აგრარული ოლიმპიადა 2023-ის“ გამარჯვებულებს „აგროსფერომ“ განსაკუთრებული საჩუქრები გადასცა