რა არის კარგი ტანსაცმელი ? ხარისხი, ვიზუალი თუ ბრენდის სახელი ? როგორც წესი, წარმატებული კომპანიებისთვის პრიორიტეტული სამივე პუნქტია. მომხმარებლისთვისაც სწორედ მსგავსი ბრენდების ტანსაცმელი და მათი სახელია უპირატესი. თუმცა, რამდენად შეიძლება მხოლოდ სახელით განსაზღვრა, ეს უკვე სხვა თემაა, რომლის გარკვევასაც, როგორც მუდამ სკანდალური Diesel შეეცადა. კომპანიამ მომხმარებლის დამოკიდებულების გასაგებად საინტერესო ექსპერიმენტი ჩაატარა. სააგენტო Publicis-თან ერთად, ბრენდმა ნიუ-იორკში თავისი მაღაზიის Fake ვერსია გახსნა, სახელწოდებით Deisel, რომელშიც ორიგინალი ტანსაცმელი არასწორად დაწერილი ეტიკეტით შეიტანა და ამგვარად მომხმარებლის რეაქციას დააკვირდა.
