ამ ბოლო დროს, უკრაინა სარეკლამო სფეროსთვის განსაკუთრებით მიმზიდველი ადგილი გახდა. კიევს უკვე მეორედ ვხვდებით მსოფლიოში ერთ-ერთი ყველაზე პოპულარული და სკანდალური ბრენდის, Diesel-ის ვიდეორგოლში. ამჯერად, კომპანიამ სააგენტო Publicis-სთან თანამშრომლობით მომზადებული ვიდეო თავისი ჯინსის შარვლების ახალი კოლექციის რეკლამირებისთვის შექმნა და კიდევ ერთხელ დაგვარწმუნა, რომ სოციალური ქსელების მომხიბვლელი ფოტოები, უმეტეს შემთხვევაში, ადამიანის რეალურ ბუნებაზე ბევრს ვერაფერს ამბობს.
