დღეს ყველა კომპანია, რა თქმა უნდა, არ არის მედია კომპანია, თუმცა ყველა წარმატებული კომპანიის მარკეტინგული სტრატეგია მოიცავს მედიის მენეჯმენტის ფუნქციონირებას. სულ რამდენიმე ათეული წლის წინ ციფრული კონტენტის მენეჯმენტის ორგანიზება და მასშტაბირება გამოწვევად მხოლოდ ტრადიციული მედია კომპანიებისთვის ითვლებოდა, რადგან მათ შესაბამისი მასალა გააჩნდათ.
CNN-ის მაგალითი რომ ავიღოთ, 1980 წელს მან შემოიტანა ახალი იდეა – გლობალური ამბები 24 საათის განმავლობაში. 1990-იანი წლების შუა ხანებში კომპანია გახდა ერთ-ერთი პირველი სამაუწყებლო მედია კომპანია, რომელმაც სტრატეგიული ინვესტიცია მოახდინა, სახელწოდებით „ციფრული აქტივების მართვა”. მისი პროექტი მიზნად ისახავდა შეგროვილი საარქივო მასალის 200,000 საათის ციფრულ მართვას.
მაშინ ტელეკომპანიამ განაცხადა: „ჩვენ უნდა გადავიდეთ ციფრულ სისტემაზე, სადაც კონტენტი ხელმისაწვდომი იქნება ჩვენი ყველა სამაუწყებლო და ინტერაქციული სერვისისთვის. ეს არის პარადიგმის ცვლილება, რომელიც გავლენას მოახდენს მაუწყებლობაზე ყველგან”.
ეს, რა თქმა უნდა, ასეც მოხდა.
ბიზნესი და ციფრული კონტენტის მართვის გამოწვევები
ბოლო რამდენიმე წლის განმავლობაში, ბიზნესში ციფრული კონტენტის მენეჯმენტის პასუხისმგებლობები მარკეტინგის პრაქტიკოსების კალთაში მოექცა. ციფრული შინაარსის მრავალფეროვანი ფორმატები, მათ შორის სურათები, აუდიო, ვიდეო და თუნდაც ინტერაქციული აპლიკაციები, უზრუნველყოფს აუდიტორიის კომპლექსურ და დინამიკურ მედია გამოცდილებას.
თქვენს ბიზნესში სხვისი კონტენტის ხელახალი გამოყენება უნდა შეესაბამებოდეს გამოყენების კომპლექსურ უფლებებს, საავტორო უფლებების რეგულაციას და სალიცენზიო შეთანხმებებს. მესამე მხარის არხებზე ციფრული კონტენტის აქტივების ხარისხის მონიტორინგი კრიტიკული გახდა. წარმოიშვა განვითარებადი ბაზრის საჭიროება – რეალურ დროში ბრენდის შესაბამისობის მართვის შესაძლებლობა ციფრულ აქტივებში მრავალ არხზე.
ციფრული აქტივების მენეჯმენტი დინამიკური ჩართულობის საშუალებას იძლევა
ციფრული აქტივების მართვის ადრეულ დღეებში ჩანაწერების სისტემა მოქმედებდა, როგორც ჭეშმარიტების ერთი წყარო. ის ინახავდა იმას, რაც გამოსაყენებლად კარგი იყო და დააარქივებდა კონტენტს ისტორიული შთამომავლებისთვის. ამის შესანიშნავი მაგალითია CNN-ის არქივის პროექტი.
ისინი შერწყმული იყო ჩანაწერების სხვა სისტემებთან, როგორიცაა პროდუქტის ინფორმაციის მენეჯმენტი (PIM). PIM სისტემა იწერს პროდუქტის უფრო ტექნიკურ შინაარსს, როგორიცაა საქონლის SKU-ები, ეტიკეტირების ინფორმაცია, ინგრედიენტები და სხვა ძირითადი ინფორმაცია. ამ ორმაგი სისტემის მთავარი მიზანი იყო ბიბლიოთეკაში გამოსაყენებელი აქტივების თანმიმდევრული ხელმისაწვდომობის უზრუნველყოფა.
დროთა განმავლობაში ეს ბიბლიოთეკები ვებზე გადმოვიდა და CMS სისტემებად იქცა, რომლითაც კომპანია აუდიტორიას ცოცხალ კონტენტს სთავაზობს.
ციფრულ სამყაროზე გადასვლის შემდეგ მარკეტინგისა და სარეკლამო გუნდებისთვის უფლებების მენეჯმენტი გახდა კომპლექსური სტრატეგია და პროცესი იმის უზრუნველსაყოფად, რომ მათ მიერ შექმნილი ყველა ციფრული აქტივი შეესაბამება გამოყენების უფლებებს, საავტორო უფლებების რეგულაციას და სალიცენზიო შეთანხმებებს.
ბრენდების უმეტესობა ახლა იყენებს: 1) კონტენტ მარკეტინგს, როგორც მათი მარკეტინგული სტრატეგიის ძირითად ნაწილს და 2) მრავალ ციფრულ არხს მომხმარებლებთან ურთიერთობისთვის. კონტენტზე დიდი მოთხოვნის დასაკმაყოფილებლად, შიდა გუნდები, აღმასრულებლები, სააგენტოები, შტატგარეშე თანამშრომლები და ინფლუენსერები ერთად მუშაობენ.
შედეგად, კონტენტის ხარისხის მართვა უფრო რთული გახდა. გაჩნდა ახალი გადაწყვეტილებები ციფრული კონტენტის მონიტორინგსა და მართვაში, როგორც მის გამოქვეყნებამდე, ასევე მას შემდეგ, რაც იგი მიაღწევს დანიშნულების ადგილს სხვადასხვა აუდიტორიისთვის.
დღეს კონტენტ პრაქტიკოსთა წინაშე ბევრად დიდი გამოწვევებია, ვიდრე ადრე. მათ უნდა შეუსაბამონ ბრენდს ყოველი ქმედება და გადაწყვეტილება. ამისთვის კი თანამედროვე ტექნოლოგიათა სისტემა უნდა გამოიყენონ, რომელიც ეხმარება მათ გამოწვევების დაძლევაში, თუმცა ამ სისტემის ელემენტების ცოდნაა საჭირო.
დღეს ბიზნესისთვის გადამწყვეტ როლს თამაშობს ბრენდის ციფრული შესაბამისობა. შესაბამისად, თითოეული კომპანია ცდილობს, გუნდში იყოლიოს ადამიანები, რომლებიც მის მედია საქმიანობებს დაგეგმავენ და შესაბამის კონტენტს დაუწერენ. შესაძლოა, ყველა კომპანიას არ ჰყავდეს თავისი მედია დაგეგმარების ჯგუფი, თუმცა ის თანამშრომლობს სხვა კომპანიებთან, რომლებიც ამ საქმეს აკეთებენ ან ფრილანს კონტენტ შემქმენელებთან, რომლებმაც იციან, როგორ ალაპარაკონ ბრენდი ისე, როგორც თქვენ გსურთ.
