თუ ფიქრობთ, რომ მოგზაურობა მხოლოდ ფიზიკურადაა შესაძლებელი, ცდებით, რადგან სტატიის წაკითხვის შემდეგ, დაგეუფლებათ განცდა, რომ მოგზაურობიდან დაბრუნდით. ბევრი რამ გვაქვს თქვენთვის მოსაყოლი. საინტერესო ამბებს კი ჭიქა ჩაი უხდება, თანაც კარგი, ისეთი, როგორიც „დილმას ჩაია”.
ასე რომ, აირჩიეთ სასურველი გემო და არომატი, მოიდგით გვერდით და ჩვენთან ერთად დაიწყეთ მოგზაურობა.
ეს დასამახსოვრებელი კამპანია ცეილონის ჩაის პრემიუმ ბრენდ „დილმაზეა“. ის შრი-ლანკაში იწარმოება და მისი ოფიციალური დისტრიბუტორი საქართველოში „ევროპროდუქტია”. სწორედ მან გადაწყვიტა მედია და ციფრული კომუნიკაციების სააგენტო „კლიპარტთან” ერთად „დილმა“ ფართო საზოგადოებისთვის გაეცნო. კამპანიის იდეა და შესრულება „კლიპარტს“ ეკუთვნის, ვიდეოების ავტორი კი Movement-ია.
„ჩვენი მიზანი იყო, რომ ქართველი მომხმარებლებისთვის „დილმას“ გაცნობის პროცესი ერთგვარ მოგზაურობად გვექცია. კამპანია ბრენდის სამშობლოში, შრი-ლანკაში მოგზაურობით დავიწყეთ, რაზეც ვიდეოები Movement-ის გუნდმა შექმნა. ვიდეობის დახმარებით მოვუყევით მომხმარებლებს ამ ეგზოტიკურ ქვეყანაზე, შრილანკურ ჩაის კულტურასა და ნამდვილი ცეილონის ჩაის შექმნის მეთოდებზე“, – ამბობს მიხეილ დიასამიძე, „კლიპარტის“ კონტენტ მარკეტინგის ხელმძღვანელი.
ჩაის ნამდვილ მოყვარულებს გეცოდინებათ, რომ შრი-ლანკაში მართლაც უნიკალური ჩაის კულტურაა. ალბათ, არც იმის შეხსენება დაგჭირდებათ, თუ რამხელა როლი ეკავა ჩაის ქართულ საზოგადოებრივ ცხოვრებაშიც. როგორც „კლიპარტში“ ამბობენ, კამპანიის კიდევ ერთი მიზანი მომხმარებლებისთვის სწორედ ამ ორი განსხვავებული ქვეყნის გადაკვეთის წერტილის ჩვენება იყო, იმის, რომ საქართველოც და შრი-ლანკაც ჩაის დიდი მოყვარული სახელმწიფოებია.
„არ უნდა დაგვავიწყდეს, რომ დასავლეთ საქართველოში აქტიურად იწარმოებოდა ჩაი და ის ჩვენი კულტურის ნაწილი იყო. მართალია, 1990-იანი წლებიდან საწარმოები გაჩერდა და ჩაიმაც დაკარგა პოპულარობა, მაგრამ დღეს ჩაის კულტურა საქართველოში ისევ იკიდებს ფეხს. მომხმარებლებისთვის იმის შესახსენებლად, თუ როგორი მნიშვნელოვანი როლი ეკავა ჩაის საქართველოში, ჩავწერეთ ადამიანები, რომლებსაც ამ სასმელზე სათქმელი ჰქონდათ. ასე შეიქმნა ჩაიზე უნიკალური ისტორიების ვიდეოსერია“, – ამბობს მიხეილ დიასამიძე.
ცეილონის ჩაი საუკეთესო კომუნიკაციისთვის
ცეილონის ჩაი საუკეთესო კომუნიკაციისთვის – ეს არის ის მთავარი კონცეფცია, რომელიც „დილმას“ კამპანიას უდევს საფუძვლად. შრი-ლანკაში მოგზაურობის ვიდეოები, ვიდეოსერიის გმირების ისტორიები თუ ილუსტრაციების შინაარსი სწორედ ამ გზავნილზეა აგებული. კამპანიის ფარგლებში განხორციელებული ყველა აქტივობა გვახსენებს, რომ ამ უნიკალური სასმლის თანხლებით ერთმანეთთან დაახლოება უფრო მარტივია და რომ ის კომუნიკაციას კიდევ უფრო სასიამოვნოსა და გამორჩეულს ხდის.
„ჩაი არის პროდუქტი, რომელიც ერთგვარ ცხოვრების სტილს გამოხატავს და მრავალ კულტურაში ის არის კომუნიკაციის მთავარი ატრიბუტიც. ასე იყო საქართველოშიც. ვიდეოების გმირებიც სწორედ იმ პერიოდს იხსენებენ, როცა ჩაი მათი სოციალური ცხოვრების მნიშვნელოვან კომპონენტს შეადგენდა, მათი ყოველდღიურობისა თუ განსაკუთრებული დღეების განუყოფელი ნაწილი იყო – მის გარშემო იკრიბებოდნენ და უზიარებდნენ ერთმანეთს ამბებს.
საბოლოოდ, ასე გავაერთიანეთ კამპანიაში ემოცია, ცხოვრების სტილი და ისტორია“, – ამბობს თამთა კალანდაძე, „კლიპარტის“ კომერციული დირექტორი.
ვიზუალური იდენტობა
შეუძლებელია, თქვენი ყურადღება „დილმას“ ფერად ილუსტრაციებს არ მიექცია. ცოცხალი ფერებით გაჯერებული და ეგზოტიკური ვიზუალური იდენტობა „კლიპარტმა“ შრი-ლანკის ინსპირაციით შექმნა.
„შრი-ლანკა სიჭრელესთან, ცოცხალ ფერებთან და ეგზოტიკასთან ასოცირდება. გვინდოდა, შეგვექმნა ისეთი ვიზუალები, რომლებიც დანახვისთანავე აგრძნობინებდა მომხმარებელს საიდან არის ბრენდი და რომელ კულტურას ეკუთვნის. ჯამში 30-მდე ილუსტრაცია შევქმენით. თითოეული ვიზუალი კონკრეტულ პროდუქტს მივუსადაგეთ და მისი განწყობა და ხასიათი ფერებით გამოვხატეთ“, – ამბობს მიხეილ დიასამიძე.
საწყისი იდეიდან შედეგებამდე
კამპანიაში „კლიპარტთან“ ერთად აქტიურად იყო ჩართული „ევროპროდუქტი“ და „დილმას“ საკონსულტაციო ჯგუფი შრი-ლანკაში. პროცესი, ჯამში, დაახლოებით 6 თვე გაგრძელდა.
„ევროპროდუქტი“ „დილმას“ პროდუქციას ქართველ მომხმარებლებს წლებია სთავაზობს, თუმცა, მას მხოლოდ ვიწრო სეგმენტი იცნობდა. გადავწყვიტეთ, უმაღლესი ხარისხის ჩაი „დილმას“ სახით უფრო ფართო საზოგადოებისთვის გაგვეხადა ხელმისაწვდომი – გაგვეზარდა მისი პროდუქციის იმპორტიც და ცნობადობაც და, შესაბამისად, ჩაის კულტურისადმი ინტერესიც.
ჩვენი მოლოდინები გამართლდა, რადგან კამპანიაში ბევრი საინტერესო ადამიანი ჩაერთო. მიუხედავად ზაფხულის პერიოდისა, გაცილებით გაიზარდა მოთხოვნა პროდუქტზეც. წინ კი ზამთრის სეზონი გვაქვს, როცა ჩაის დალევა კიდევ უფრო აქტუალური გახდება“, – ამბობს ანანო თავხელიძე, „ევროპროდუქტის” მარკეტინგის ხელმძღვანელი.
საქართველოში „დილმას“ შესახებ ეს პირველი კამპანია იყო, რაც განსაკუთრებით საინტერესო გამოცდილება აღმოჩნდა თავად ბრენდისთვისაც. უნიკალური, ემოციური და ვიზუალურად დასამახსოვრებელი – ასე შეაფასეს კომპანიის წარმომადგენლებმა „დილმაზე“ შექმნილი კონტენტი.
კრედიტები:
დამკვეთი – ევროპროდუქტი
იდეა, დაგეგმარება, შესრულება, მედია დისტრიბუცია, ედვერთაიზინგი – კლიპარტი
ფროდაქშენი – Movement
საკონსულტაციო ჯგუფი – დილმას გლობალური მარკეტინგის გუნდი
[პარტნიორის კონტენტი]
