Dior Homme-ისთვის – „კრისტიან დიორის“ მამაკაცებისთვის შექმნილი არომატისთვის ახალი კამპანია ჩაუშვეს, რომელშიც მსახიობი რობერტ პატინსონი მონაწილეობს.
ვიდეორგოლი, სახელწოდებით, „მე შენი მამაკაცი ვარ“, The Blaze-ის რეჟისორობით შეიქმნა.
ამოცანა კი ასეთი იყო: ვიზუალურად გადმოეცათ სუნამოს სული, მერქნის ძლიერი შეგრძნება რომ მოაქვს და ალერსიანი სანელებლების არომატიც რომ დაჰკრავს. სუნამოსი, რომელშიც ახალი, მასკულინური ჟინიანობა იგრძნობა და რომლის უხეშ და ამავდროულად, გლუვ ხასიათსაც ხის არომატის ჭარბი დოზა განსაზღვრავს.
