Disney ოქტომბერში 55 წლის იუბილეს აღნიშნავს და ჩვენ უკვე შეგვიძლია გავეცნოთ სპეციალურად ამ დღისთვის შექმნილ ლოგოს.
როდესაც Disney-მ 2019 წელს 50 წლის იუბილეს ლოგო წარადგინა, დიზაინს არაერთგვაროვანი გამოხმაურება მოჰყვა. თუმცა დღეს, ახალი ლოგოს შემთხვევაში კი, ვიზუალური ხუმრობა გაცილებით თვალსაჩინოა.
„55“ ლოგო უკვე გამოჩნდა სარეკლამო მასალებზე. დიზაინი არა მხოლოდ 1971 წელს, კურორტის გახსნისას გამოყენებულ ორიგინალ „გლობუსის“ სიმბოლოსა და რეტრო განწყობას ქმნის, არამედ მიკი მაუსის ყურების იდეასაც უფრო ეფექტურად იყენებს.
მარტივად შესამჩნევია, რომ ორი 5-იანის მომრგვალებული ქვედა ნაწილი რეტრო გლობუსის თავზე განთავსებულ ყურებს ჰგავს. მარტივი, თუმცა ეფექტური გადაწყვეტა უკვე დისნეის გულშემატკივრების მოწონებას იმსახურებს.
სოციალურ ქსელებში მომხმარებლები ახალ დიზაინს წინა იუბილეს ლოგოსთან შედარებით მნიშვნელოვან გაუმჯობესებად აფასებენ და აღნიშნავენ, რომ 55 წლის იუბილესთან დაკავშირებული ვიზუალური მასალები ჯერჯერობით გაცილებით წარმატებულია.
ლოგო თავად დისნეის ოფიციალურად ჯერ არ წარუდგენია, თუმცა სოციალური ქსელების ადრეული გამოხმაურება აჩვენებს, რომ დიზაინს აუდიტორია დადებითად ხვდება.
