Disney-ის თქვენთვის კარგი ამბავი აქვს — Moana 2-ის, Mufasa: The Lion King-ისა და Snow White-ის თრეილერები გამოვიდა, რაც იმას ნიშნავს, რომ სრულ ფილმებსაც მალე უნდა ველოდოთ…
უფრო ზუსტად, მოანას ახალ ფილმს 27 ნოემბრისთვის ნახავთ, თუმცა მანამდე შეგიძლიათ, თრეილერით დატკბეთ. მთავარ გმირს კვლავ საშიშ მოგზაურობაში მივყავართ, მეზღვაურთა ახალ ეკიპაჟთან და, რაღა თქმა უნდა, საყვარელ ნახევრად ღმერთთან ერთად. აქ Kakamora-ს ქოქოსის ტომსაც ნახავთ, რომელსაც პატარა ისრები აქვს:
Mufasa: The Lion King-ის გაშვება კი უკვე ამ წლის 20 დეკემბრისთვის იგეგმება, აქ მუფასას, ანუ სიმბას მამის ძველ ამბებს მოგვიყვებიან, იმას, თუ როგორ იქცა ობოლი მეფედ… მეტიც, მურფასასა და თავისი ძმის ტაკას კომპლექსური ურთიერთობის შესახებაც ვიგებთ:
დაბოლოს, თქვენთვის ფიფქიას თრეილერი შემოვინახეთ. საოცარ გალ გადოტს იხილავთ ბოროტი ჯადოქრის როლში. ფილმი 2025 წლის 21 მარტს გამოვა, თუმცა მანამდე ეს აუცილებლად უნდა ნახოთ:
