10
ოქტ
2018

არაფრის მომცემი ფრაზები და შეკითხვები – მომხმარებელს ასე არასოდეს მიმართოთ!

10 ოქტ 2018

გაყიდვების სფეროში დასაქმებულები, მომხმარებლებს, ხშირად, შაბლონური შეკითხვებითა და ფრაზებით მიმართავენ. ეს ტექსტები, როგორც წესი, არაეფექტურია და პროდუქტს არავინ ყიდულობს.

statiebi-bog
statiebi-bog

რა არ უნდა ჰკითხოთ ან უთხრათ მომხმარებელს და რატომ? 

1. „აქ გადაწყვეტილებებს თქვენ იღებთ? – ასეთი შეკითხვა შეურაცხმყოფელია.

2. „მოიცადე, კიდევ არის რაღაც“ – ძალიან ბანალურია.

3. „აუცილებლად შეიძინეთ, ახლა თუ არა, მომავალში გამოგადგებათ“ – რა სისულელეა.

4. „დამატებით ინფორმაციას გამოგიგზავნით“ – ვის სჭირდება ზედმეტი ინფორმაცია?

5. „შემიძლია, კიდევ ის დავამატო, რომ . . .“ – ეს ნამდვილად ზედმეტია.

6. „შეგიძლიათ, უშუალო საკონტაქტო პირთან დამაკავშიროთ?“ – მსგავსი შეკითხვა აუცილებლად დაგაზარალებთ.

7. „რაოდენობა შეზღუდულია“ – ეს აშკარა მანიპულაციაა.

8. „შემიძლია, ფასდაკლება შემოგთავაზოთ“ – „ფასდაკლება“, მომხმარებლისთვის, იგივეა რაც „იაფი“. ეს კი ცუდ ასოციაციას იწვევს.

9. „ამისთვის ბიუჯეტი გეყოფათ?“ – ეს შეკითხვა ფრაზის „შემიძლია, ფასდაკლება შემოგთავაზოთ“ უხეში ვარიანტია.

10. „და ამას აქვს მნიშვნელობა?“ – მეტისმეტად გეტყობათ, რომ ერთადერთ პასუხზე -„დიახ“- ოცნებობთ.

11. „ასეთი უკვე გავყიდე“ – ხაზს ნურასოდეს გაუსვამთ, რომ „გაყიდვების“ თანამშრომელი ხართ და თქვენი ერთადერთი მიზანი მომხმარებლის ნებისმიერ ფასად დაყოლიებაა.

12. „მენდეთ“ – ამას მხოლოდ მატყუარები ამბობენ.

13. „მინდა, დაგარწმუნოთ, რომ  . . . “, „ მე თუ მკითხავთ . . . “ – ვის აინტერესებს აბსოლუტურად უცხო ადამიანის აზრი?

14. „ცხადია“,  „რა თქმა უნდა“, „ბუნებრივია“ – ეს მოჩვენებითი თანხმობაა, მეტიც, მლიქვნელობაა.

15. „მოხარული ვარ, წარმოგიდგინოთ (გაგაცნოთ) . . . “ – არავის აინტერესებს, რითი ხართ თქვენ „მოხარული“, გახარებული ან აღფრთოვანებული.

16. „რატომ უნდა გადაიხადოთ მეტი?“ – ეს ძალიან ბანალური შეკითხვაა, თანაც არ მუშაობს.

17. „ასე თანხას დაზოგავთ“ – მეტისმეტად ნათელია თქვენი განზრახვა, რადაც არ უნდა დაგიჯდეთ, მიჰყიდოთ მას პროდუქტი.

18. „როგორ ხართ“, „საქმეები როგორ მიდის“ – ეს ფამილარული ფრაზები ნამდვილად არაფრის მომცემია.

19. „მსოფლიო დონის“ – ზედაპირული, დაუდასტურებელი და მნიშვნელობას მოკლებული ფრაზაა.

20. „ცუდ დროს ხომ არ გაწუხებთ“ – „ რა თქმა უნდა“ – მსგავსი შეკითხვა მხოლოდ ამ პასუხს იმსახურებს.

წყარო: Inc. com

 



განხილვა