Duolingo-ს თილისმისგან არაერთ სახალისო ვიზუალს ვართ მიჩვეულნი, რასაც ვერ ვიტყვით ბოლოდროინდელ განახლებაზე… მომხმარებლებს ჰგონიათ, რომ ესეც გაცივდა — თვალები თითქოს სისხლიანი აქვს, სურდოსაც უჩივის და ოფლიც სდის. თანაც ეს არც უეცარი ცვლილება იყო, გასულ კვირას მომხმარებლები იმაზეც საუბრობდნენ, რომ Duo ცოტათი უფერული გახდა, რაღაც ისეთი ვიზუალი ჰქონდა, დაცემინებას რომ აპირებსო… ახლა კი მას წითელი თვალებით ვხედავთ, რაც დაავადების ვერსიას მეტად დამაჯერებელს ხდის.
ზუსტად ვერც იმას გეტყვით, გაკვეთილების კარგად ჩაბარება გამოასწორებს თუ არა მის მდგომარეობას… შესაძლოა, აპლიკაციის განახლებაში იყოს გამოსავალი. თუმცა თუ პრემიუმ Super Duolingo ან Duolingo Max-ის მომხმარებელი ხართ, გაქვთ შანსი, თქვენთვის საყვარელი Duo-ს ვერსია დაიბრუნოთ.
სიმართლე ისაა, რომ აპლიკაციას ასე ჩვენი ყურადღების მიპყრობა უნდოდა, იმდენად დაინტერესება, რომ ამაზე სოციალურ ქსელებშიც გველაპარაკა და ფაქტია, გამოუვიდა. თუმცა თუ სხვა მიზეზიც აქვს, ამას მალევე გავიგებთ და აუცილებლად გაგიზიარებთ.
